ផ្ទះ ព័ត៌មានជាតិ លោកមេភូមិម្នា...

លោកមេភូមិម្នាក់ បើកបរមានអាការវិលមុខ បណ្តាលឲ្យដេកស្លាប់នៅក្នុងរថយន្ត

0

ពោធិ៍សាត់: យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា តៃកុងឡានម្នាក់ដេកស្លាប់ដោយអាការខ្យល់គ ហេតុការណ៍នេះកើតឡើងកាលពីម៉ោង​៨និង៤០នាទីព្រឹក នាថ្ងៃទី៧ ខែមេសា ឆ្នាំ២០២១ នៅចំណុច​ផ្លូវ​បំបែក​អូរ១៧​ ភូមិដីក្រហម​ ឃុំអន្លង់រាប​ ស្រុកវាលវែង ខេត្តពោធិ៍សាត់ ។

ជនរងគ្រោះឈ្មោះ ហែម រឿន ភេទប្រុស​ អាយុ​៦៤​ឆ្នាំ​ មេភូមិកណ្ដាល រស់នៅ​ភូមិកណ្តាល​ ឃុំថ្មដា បានធ្វើដំណើពីឃុំថ្មដាទៅខេត្តពោធិ៍សាត់​ ។

ប្រភពបានឲ្យដឹងថា មុនពេលកើតហេតុ ជនរងគ្រោះបើករថយន្តក្នុងគោលបំណង ចេញពីស្រុកវាលវែង ឆ្ពោះមកកាន់ក្រុងពោធិ៍សាត់ តែមិនទាន់ដល់គោលដៅ ជនរងគ្រោះមានអាការមិនស្រួល​ គាត់បានឈប់រថយន្ត រួចចុះមកសុំប្រេងកូឡាពីប្រជាពលរដ្ឋឈ្មោះ ម៉ម វ៉ាន ភេទប្រុស អាយុ៤៧ឆ្នាំ ផ្ទះនៅក្បែនោះ​លាប ដើម្បីបំបាត់ការវិលមុខ រួចហើយក៏ដើរចូលរថយន្តវិញ ដេកផ្អែកក្បាលទៅនឹងកៅអី ហើយស្លាប់នៅក្នុងឡានតែម្ដង ។

សាកសពជនរងគ្រោះ ត្រូវបានក្រុមគ្រួសារ សាច់ញាតិយកទៅធ្វើបុណ្យតាមប្រពៃណី ៕

មតិយោបល់