ភ្នំពេញៈ ជនរងគ្រោះដែលត្រូវជាប្អូនរបស់តារាសម្តែង ខៀវ សុខារ៉ាវី ត្រូវបានខ្មាន់កាំភ្លើងបាញ់ត្រូវចំនួន ២គ្រាប់ ចំខ្លួនផ្នែកខាងស្តាំបៀមគ្រាប់ និងចំជើងធ្លាយពីម្ខាងទៅម្ខាង ខណៈនៅត្រង់ក្បាលត្រូវជនសង្ស័យយករបស់រឹងវាយទៀតផង។ នេះបើយោងតាមការធ្វើកោសល្យវិច្ច័យរបស់សមត្ថកិច្ចជំនាញ។

សូមជំរាបផងដែរថា បើតាមសមត្ថកិច្ច ហេតុការណ៍បាញ់ប្រហារនេះបានកើតឡើងកាលវេលាម៉ោងប្រហែល ៩យប់ ថ្ងៃទី១៣ ខែសីហា ឆ្នាំ២០១៦ នៅនៅចំណុចផ្ទះលេខ១៦៥E0 ផ្លូវលេខ១ ក្រុមទី៣៦ ភូមិ១ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ។ ហើយជនរងគ្រោះឈ្មោះ សឺន ចាន់ដារ័ត្ន ភេទប្រុស អាយុ២៨ឆ្នាំ មុខរបរ បុគ្គលិកក្រុមហ៊ុនអចលនទ្រព្យចតុមុខ បានស្លាប់នៅមន្ទីរពេទ្យព្រះកេតុមាលា រីឯជនល្មើស បច្ចុប្បន្នឃាត់ខ្លួននិងបានបញ្ជូនទៅបញ្ជាការដ្ឋានអាវុធហត្ថរាជធានីភ្នំពេញផងដែរ៕