ផ្ទះ ព័ត៌មានជាតិ ស្ត្រីម្នាក់ស...

ស្ត្រីម្នាក់ស្លាប់ភ្លាមៗ ក្រោយត្រូវរន្ទះបាញ់ និងផ្ទះពលរដ្ឋ ២១ខ្នង រងការខូចខាត ករណីភ្លៀងធ្លាក់ លាយឡំខ្យល់កន្ត្រាក់ ផ្គរ រន្ទះ​ នៅខេត្តបាត់ដំបង

0

បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា គ្រោះ​ធម្មជាតិ​ភ្លៀង​ធ្លាក់​ដោយ​មាន​លាយឡំ​នឹង​ខ្យល់​កន្ត្រាក់​ ព្រមទាំង​ផ្គរ​រន្ទះបាញ់​ផង​នោះ​ បាន​បណ្តាល​ឲ្យ​ខូចខាត​លំនៅ​ដ្ឋា​ន​របស់​ពលរដ្ឋ​ចំនួន​២១​ខ្នង​ ឃ្លាំង​១​ខ្នង​ របើក​ដំបូល​ ៣​ខ្នង​ រលំ​០​ខ្នង​ និង​រន្ទះបាញ់​១​លើក​ បណ្តាល​ឲ្យ​ស្ត្រី​១​នាក់​បាន​ស្លាប់​បាត់បង់​ជីវិត​ នៅ​ក្នុងស្រុក​រុក្ខ​គី​រី​ និង​ស្រុក​សំពៅ​លូន​ ។​

​ជាក់ស្តែង​ នៅ​ថ្ងៃ​ទី​១១​ ខែមេសា​ ឆ្នាំ​២០២១​ វេលា​ម៉ោង​១៦​និង​៣០​នាទី​ មាន​ករណី​គ្រោះ​ធម្មជាតិ​ភ្លៀង​ខ្យល់​កន្ត្រាក់​ បណ្តាល​ឲ្យ​រង​ការ​ខូចខាត​ផ្ទះ​របស់​ប្រជាពលរដ្ឋ​០២​ឃុំ​ សរុប​ចំនួន​២១​ខ្នង​ ក្នុង​នោះ​ឃុំ​ព្រៃ​ត្រឡាច​ រង​ការ​ខូចខាត​ផ្ទះ​ចំនួន​១២​ខ្នង​ របើក​ដំបូល​១១​ខ្នង​ និង​រលំ​ទាំងស្រុង​០១​ខ្នង​ ។​

​ចំណែក​ស្រុក​រុក្ខ​គិរី​ ក្នុង​ឃុំ​បា​សាក់​ រង​ការ​ខូចខាត​ផ្ទះ​ចំនួន​០៩​ខ្នង​ របើក​ដំបូល​០៨​ខ្នង​ និង​រលំ​ទាំងស្រុង​០១​ខ្នង​។​

​នៅ​ថ្ងៃ​ដដែល​ វេលា​ម៉ោង​១៤​និង​៣០​នាទី​ នៅ​ចំណុច​ភូមិ​វាលវង់​ ឃុំ​តា​ស្តា​ ស្រុក​សំពៅ​លូន​ ខ្យល់​កន្ត្រាក់​នេះ​បណ្ដាល​ឱ្យ​របើក​ប៉ើង​ឃ្លាំង​ សម្រាប់​ស្តុ​ប​ទំនិញ​កសិផល​ ទំហំ​ ២០​ម៉ែត្រ​ x​ ៣០​ម៉ែត្រ​ ធ្វើ​អំពី​ដែក​ប្រក់​ស័ង្កសី​ បណ្ដាល​ឱ្យ​ខូចខាត​ទាំងស្រុង​ ។​ ម្ចាស់​ឃ្លាំង​ឈ្មោះ​ រង​ សា​រឹម​ ភេទ​ប្រុស​ អាយុ​ ៤០​ឆ្នាំ​ មាន​ទីលំនៅ​ក្រុម​ទី​៤​ ភូមិ​វាលវង់​ ឃុំ​តា​ស្ដា​ ស្រុក​សំពៅ​លូន​ ខេត្តបាត់ដំបង​។​

​ដោយឡែក​នៅ​ស្រុក​សំពៅ​លូន​ដដែល​ ក្នុងភូមិ​ស្រឡៅ​ជ្រុំ​ ឃុំ​សិរី​មាន​ជ័យ​ ត្រង់​ចំណុច​ដំណាក់​ចាម​ ស្ត្រី​ម្នាក់​ឈ្មោះ​ ឌៀប​ កឿ​ន​ ភេទ​ស្រី​ អាយុ​ ៥២​ ឆ្នាំ​ មាន​ទីលំនៅ​ភូមិ​-​ឃុំ​កើតហេតុ​ខាងលើ​ ខណ:​ កំពុង​ដាំដំឡូង​នៅ​កណ្ដាល​ចម្ការ​ពេល​មេឃ​ភ្លៀង​ ស្រាប់តែ​រន្ទះបាញ់​ត្រូវ​ជន​រង​គ្រោះ​ បណ្ដាល​ឲ្យ​ស្លាប់​នៅ​នឹង​កន្លែង​ភ្លាមៗ​តែ​ម្តង​។​

​ករណី​នេះ​ កម្លាំង​នគរបាល​ស្រុក​ទាំង​ពីរ​ បាន​ចុះ​ធ្វើការ​ត្រួតពិនិត្យ​និង​រៀបចំ​សណ្តាប់ធ្នាប់​ជូន​ម្ចាស់ផ្ទះ​ឡើង​វិញ​។​ ចំណែក​សាកសព​ជន​រង​គ្រោះ​ត្រូវ​បាន​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី​ទំនៀមទម្លាប់​ខ្មែរ​ ៕

មតិយោបល់