កណ្តាល: ឃ្លាំងស្តុកក្រណាត់មួយកន្លែងនៅស្រុកអង្គស្នួល ត្រូវបានអគ្គិភ័យលេបត្របាក់កាលវេលាម៉ោង០២និង៣០នាទីរំលងអធ្រាត្រឈានចូលថ្ងៃទី១៤ ខែសីហា ឆ្នាំ២០១៦នេះ នៅចំណុចឃ្លាំងផលិតទុយោទឹកស្ថិតក្នុងភូមិ ទូករទេះ ឃុំលំហាច ស្រុកអង្គស្នួល ខេត្តកណ្ដាល។

តាមសេចក្តីរាយការណ៍បានឲ្យដឹងថា ម្ចាស់ឃ្លាំងមិនស្គាល់អត្តសញ្ញាណ ឃ្លាំងដែលត្រូវអគ្គិភ័យឆាបចេះនោះ មានទំហំ ៣០mx ៥០m ជញ្ជាំងថ្ម ប្រក់ស័ង្កសី មានរបងថ្មព័ទ្ធជុំវិញ។ អគ្គិភ័យនេះ បណ្ដាលឲ្យខូចខាតសម្ភារ:រួមមាន៖ ឆេះថង់ថ្លាស្ទិច និងសម្ភារ:មួយចំនួនទៀត។

តាមការបញ្ជាក់បានឲ្យដឹងថា មូលហេតុដែលនាំឲ្យមានអគ្គិភ័យនេះកើតឡើង បណ្ដាលឲ្យមកពីទុស្សេខ្សែភ្លើង៕