បាត់ដំបងៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃ ទី១៦ ខែមេសា ឆ្នាំ២០២១ វេលាម៉ោង១៤និង៣០នាទី នៅចំណុចភូមិក្បាលថ្នល់ ឃុំកំពង់ព្រៀង ស្រុកសង្កែ មានករណីភ្លៀងធ្លាក់ខ្យល់កន្ត្រាក់ធ្វើអោយបាក់មែកឈើធ្លាក់លើខ្សែភ្លើងកាត់ទទឹងថ្នល់ បណ្តាលទាក់អ្នកជិះម៉ូតូដួលបាក់កស្លាប់១នាក់ ។
ជនរងគ្រោះឈ្មោះ ពិន សំកុល ភេទប្រុស អាយុ៦៧ឆ្នាំ រស់នៅភូមិរាំងក្រោល ឃុំរាំងកេសី ស្រុកសង្កែ ។
ក្នុងករណីគ្រោះធម្មជាតិនេះ ក៏បានធ្វើអោយរបើកដំបូលផ្ទះពលរដ្ឋចំនួន២ខ្នងផងដែរ នៅភូមិអូរខ្ជាយ ឃុំអូរដំបង១ ស្រុកសង្កែ ។
ក្រោយពីទទួលបានព័ត៌មាន កម្លាំងផ្នែកជំនាញសហការជាមួយលោកគ្រូពេទ្យមណ្ឌលសុខភាពឃុំ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ ពិន សំកុល ពិតជាស្លាប់ដោយសារមេឃឈើធ្លាក់លើខ្សែភ្លើងទទឹងថ្នល់ បណ្តាលអោយទាក់កជនរងគ្រោះដួលស្លាប់ភ្លាមៗនៅទីនោះ ។
បច្ចុប្បន្ន សាកសពជនរងគ្រោះ ត្រូវបានប្រគល់ជូនទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
មតិយោបល់