មណ្ឌលគិរី: យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅវេលាម៉ោង១៧និង៣០ និងនាទីថ្ងៃទី១៦ ខែមេសា ឆ្នាំ២០២១ នៅចំណុចអូរជុំ ស្ថិតក្នុងភូមិអូរអាមឃុំស្រែខ្ទុម ស្រុកកែវសីមាខេត្តមណ្ឌលគិរី មានករណីបុរសម្នាក់យកកាំបិតធ្វើអត្តឃាតដោយវះពោះសម្លាប់ខ្លួនឯងបណ្តាលឲ្យស្លាប់បាត់បង់ជីវិតនៅនឹងកន្លែងកើតហេតុ។
ជនរងគ្រោះមានឈ្មោះ ធាម ប៊ុនធឿន ភេទ ប្រុស អាយុ ៣០ឆ្នាំជនជាតិខ្មែរ មុខរបរកសិករ មានទីលំនៅក្នុងភូមិ ឃុំកន្លែងកើតហេតុខាងលើ យោងតាមការធ្វើកោសល្យវិច្ច័យរបស់សមត្ថកិច្ចបានបញ្ជក់ថា សាកសពមានសភាពអាក្រាតកាយគ្មានស្លៀកពាក់ខោអាវឡើយឃើញមានស្នាមរបួសត្រង់ពោះប្រវែង១.៥ស.ម ធ្លាយពោះវៀនចេញមកខាងក្រៅទាំងអស់ មានឈាមហូរយ៉ាងច្រើននៅជុំវិញសាកសព ក្នុងស្ថានភាពប្រកាច់មុននឹងដាច់ខ្យល់ស្លាប់ក្រៅពីនោះពុំមានឃើញស្លាកស្នាមអ្វីផ្សេងគួរឲ្យកត់សម្គាល់ឡើយ ។
តាមការសាកសួរព័ត៌មានពីឪពុកម្តាយជនរងគ្រោះនិងអ្នកជិតខាងបានឲ្យដឹងថា ជនរងគ្រោះជាមនុស្សញៀនស្រា មានសតិមិនគ្រប់(សសៃប្រសាទខួរក្បាល)កាលពីឆ្នាំ២០១៩ធ្លាប់អារ.កខ្លួនឯងម្តងរួចមកហើយ តែត្រូវបានបងប្អូនជួយសង្គ្រោះទាន់ពេលវេលារួយយកទៅព្យាបាលជាសះស្បើយម្តងរួចមកហើយ ក្រោយមកទៀតបុរសដែលជាជនរងគ្រោះខាងលើនៅតែព្យាយាមសម្លាប់ខ្លួនទៀត។ ទើបតែថ្ងៃនេះឪពុកម្តាយមិននៅផ្ទះគាត់ទៅលេងផ្ទះអ្នកជិតខាងទើបជនរងគ្រោះមានឱកាសយកកាំបិតចិត្តបន្លែវះពោះខ្លួនឯងសម្លាប់ខ្លួនបានសម្រេចតែម្តង។
ក្រោយពិនិត្យរួចសាកសព កម្លាំងសមត្ថកិច្ចយើងបានប្រគល់សាកសពជនរងគ្រោះទៅឲ្យក្រុមគ្រួសារទទួលយកទៅធ្វើបុណ្យតាមប្រពៃណី ៕
មតិយោបល់