ព័ត៌មានជាតិ

ជនសង្ស័យ​ជា​មេ​ខ្យល់​ នាំ​មនុស្ស​ឆ្លង​ដែន​ដោយ​ខុសច្បាប់​ម្នាក់​ ត្រូវ​នគរបាល​ចាប់​ឃាត់ខ្លួន​

បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យ​ជា​មេ​ខ្យល់​ម្នាក់​ត្រូវ​បាន​កម្លាំង​នគរបាល​ស្រុក​ថ្មពួក​ បញ្ជូន​ខ្លួន​មក​ស្នងការដ្ឋាន​នគរបាល​ខេត្តបន្ទាយមានជ័យ​ នៅ​រសៀល​ថ្ងៃ​ទី​២០​ខេ​មេ​សា​ ឆ្នាំ​២០២១​ ដើម្បី​រៀបចំ​សំណុំរឿង​បន្ត​ទៅ​សាលាដំបូង​ តាម​និ​តិ​វិធី​ច្បាប់​។​

​ ​លោក​វរសេនីយ៍ទោ​ ឈឿ​ន​ គឹ​ម​ឈុ​ន​ អធិការ​នគរបាល​ស្រុក​ថ្មពួក​បាន​ឲ្យ​ដឹង​ថា​៖​ ជនសង្ស័យ​ឈ្មោះ​ នឹម​ វ​ណ្ណា​ ភេទ​ប្រុស​អាយុ​ ៦៨​ឆ្នាំ​ នៅ​ភូមិ​បន្ទាយ​មាន​រិ​ទ្ធ​ ឃុំ​គោក​រមៀត​ ស្រុក​ថ្មពួក​ ខេត្តបន្ទាយមានជ័យ​ ។​ជន​រូប​នេះ​ត្រូវ​បាន​កម្លាំង​នគរបាល​វរ​សេនា​តូច​ការពារ​ព្រំដែន​គោក​លេខ​៨០៧​ បាន​ធ្វើការ​ឃាត់ខ្លួន​ជាមួយ​និង​ពលករ​ខ្មែរ​ប្រុស​ ស្រី​ ចំនួន​០២​នាក់​ មានឈ្មោះ​ តោ​ សូ​រិ​យ៉ា​ ភេទ​ស្រី​ អាយុ​៣៩​ឆ្នាំ​ នៅ​ភូមិ​ស្រះ​ឈូក​ ឃុំ​ស្រះ​ជីក​ ស្រុក​ភ្នំស្រុក​ និង​ឈ្មោះ​ មាត​ បឹម​ ភេទ​ប្រុស​អាយុ​២០​ឆ្នាំ​ នៅ​ភូមិ​ជាមួយ​គ្នា​ ដែល​បម្រុង​ឆ្លង​ដែន​ទៅ​ប្រទេស​ថៃ​ នៅ​ចំណុច​ច្រក​ស្តុក​ស្តោរ​ ក្នុងភូមិ​សាស្ត្រ​ឃុំ​គោករ​មៀង​ ស្រុក​ថ្មពួក​ រួច​បាន​បញ្ជូន​ខ្លួន​ទាំង​០៣​នាក់​ មក​កាន់​អធិការដ្ឋាន​នគរបាល​ស្រុក​ថ្មពួក​ ។​

​ ​លោក​អធិការ​បាន​បញ្ជាក់​ថា​៖​ដោយ​មាន​បទបញ្ជា​ពី​លោក​ឧត្តមសេនីយ៍ទោ​សិទ្ធិ​ ឡោះ​ ស្នងការ​នគរបាល​ខេត្ត​ និង​មានការ​សម្របសម្រួល​ពី​ឯកឧត្តម​មាស​ ច័ន្ទ​ពិសិដ្ឋ​ ព្រះរាជអាជ្ញា​អម​សាលាដំបូង​ខេត្ត​ បន្ទាយ​មាន​ជ័យ​ ជនសង្ស័យ​ឈ្មោះ​នឹម​ វ​ណ្ណា​ ត្រូវ​បាន​កម្លាំង​នគរបាល​ស្រុក​ថ្មពួក​ ធ្វើការ​ឃាត់ខ្លួន​នៅ​វេលា​ម៉ោង​១១​និង​២០​នាទី​ព្រឹក​ថ្ងៃ​ទី​២០​ខែមេសា​ ឆ្នាំ​២០២១​ និង​បាន​បញ្ជូន​ជនសង្ស័យ​មក​ស្នងការដ្ឋាន​នគរបាល​ខេត្តបន្ទាយមានជ័យ​ ដើម្បី​ចាត់ការ​តាម​និ​តិ​វិធី​ច្បាប់​ ។​ចំណែក​ពលករ​ប្រុស​ ស្រី​ ទាំង​០២​នាក់​ នោះ​ ត្រូវ​បាន​បញ្ជូន​ទៅ​ធ្វើ​ច​ត្តា​ឡី​ស័ក​ ៕​

មតិយោបល់