កោះកុងៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់ បើកបរម៉ូតូក្នុងល្បឿនលឿនខ្វះការប្រុងប្រយ័ត្ន បុកដើមឈើបណ្តាលឱ្យស្លាប់នៅហ្នឹងកន្លែងកើតហេតុ។ គ្រោះថ្នាក់ចរាចរណ៍នោះបានកើតឡើង នៅថ្ងៃទី២១ ខែមេសា ឆ្នាំ២០២១ វេលាម៉ោង៦៖០០នាទីព្រឹក នៅចំណុចភូមិ០៣ ឃុំប៉ាក់ខ្លង ស្រុកមណ្ឌលសីមា។

សមត្ថកិច្ចនគរបាលខេត្តកោះកុង បានឱ្យដឹងថាជនរងគ្រោះឈ្មោះ ឈុន លី ភេទប្រុស អាយុ៥២ឆ្នាំ មានមុខរបរជាសន្តិសុខក្រុមហ៊ុន អិល វ៉ាយ ភី គ្រុប មានទីលំនៅក្នុងភូមិ០២ ឃុំប៉ាក់ខ្លង ស្រុកមណ្ឌលសីមា។ ករណីនេះ កម្លាំងជំនាញបានប្រគល់សពទៅអោយក្រុមគ្រួសារដើម្បីយកទៅធ្វើបុណ្យតាមប្រពៃណី ៕