សម្រាប់ប្អូនស្រី សម្បតិ លក្ខិណា ពិតជាបានរសាយចិត្តខ្លះ នៅពេលដែលពូ ដំណឹង មិនទាន់ បញ្ជេញយោបល់នោះ ដោយមាន គំនិតល្អជាច្រើន ដែល Fan របស់គេហទំព័រ ដំណឹង បានផ្តល់ឲ្យប្អូនស្រីជាទីស្រលាញ់ ដែលពួកគាត់ទាំងនោះចង់ជួយរំលែកទុក្ខសោកបោកច្រាំងរបស់ប្អូន ឲ្យស្រឡះពីប្រអប់បេះដូង ក្នុងនោះម្ចាស់គណនីលើទំព័របណ្តាញទំនាក់ទំនងសង្គមហ្វេសប៊ុក ជាច្រើនដែលមានដូចខាងក្រោម៖
Keo Phos :តាមពិតទៅបងអាចយល់ពីអារម្មណ៍របស់ប្អូនស្រីខ្លះៗ គឺថាបើសិនជាការរួមភេទនេះ វាប្រព្រឹត្តិទៅដោយផ្តល់នូវក្តីស្រឡាញ់ទៅវិញទៅមក អូនពិតជាមិនដាច់ចិត្តទំលាយរឿងនេះទេ តែវាទាស់ត្រង់ថា គាត់ (ប្តី) ហ៊ានក្បត់អូនត្រង់ៗចំពោះមុខ និងចាត់ទុកអូនដូចជាទាសករផ្លូវភេទ។ អូនត្រូវចាំថា គ្មាននរណាម្នាក់ល្អគ្រប់ដប់នោះទេ វាតែងតែមានកំហុស ហើយពេលមានកំហុសយើងតែងតែអត់អោនឲ្យគ្នាទៅវិញទៅមក កុំឲ្យតែកំហុសនោះវាជារឿងក្បត់ទំនុកចិត្ត ព្រោះថាកំហុសមួយនេះវាធ្វើឲ្យអ្នករងគ្រោះពិបាកបំភ្លេចវាណាស់។ ប្អូនស្រី ផ្លូវដែលត្រូវដើរ គឺប្រញាប់ចាកចេញពីគាត់កាន់តែឆាប់កាន់តែល្អ ព្រោះគាត់លែងចាត់ទុកអូនជាប្រពន្ធរបស់គាត់ទៀតហើយ បើគាត់ចាត់ទុកអូនជាប្រពន្ធ គាត់មិនហ៊ានធ្វើរឿងបែបហ្នឹងនោះទេ។ ពាក្យដែលអូនថាអាណិតកូន បងគាំទ្រ តែអូនមានបានគិតទេថា បើអញ្ចឹងតទៅទៀតអូនពិតជាធ្លាក់ខ្លួនឈឺជាក់ជាមិនខាន អញ្ចឹងពេលអូនឈឺ តើនរណាត្រូវមើលការខុសត្រូវលើកូនរបស់អូននោះ? មុននិងក្រោយវាគង់តែបែក អញ្ចឹងអូនត្រូវតែជ្រើសរើសយកផ្លូវ ចាកចេញឲ្យបានលឿន និងទទួលយកការឈឺចាប់រយ:ពេលខ្លី វាគ្រាន់បើជាងចាកចេញយឺត និងទទួលយកការឈឺចាប់រយ:ពេលវែង។ស្របពេលជាមួយនឹងគ្នានេះដែរ ម្ចាស់គណនីPheach Chea បាននិយាយថា “កុំលែងលះ តែត្រូវរកវិធិទប់ទល់ បើគាត់៨ដង យើងត្រូវសង វិញ១០ ពេលនោះគាត់ពិតជាចុះចាញ់ ពាក្យចិនបុរាណ និយាយថា ទន់បង្ក្រាបរឹង”។ប្រការនេះដែរម្ចាស់គណនីSeame Sokeក៏បានចេញមុខឲ្យជាមតិដែរថា”យើងដឹងហើយថាបើលែងលះនាំឲ្យកូនកំព្រា ប៉ុន្តែបើរស់នៅពិបាកយ៉ាងនេះ ទ្រាំរស់ធ្វើអី! ប្រុសចោម្សៀតបែបនេះទុក ក៏មិនចំនេញ ដកចេញក៏មិនខាត បើកូនគ្មានអ្នកចិញ្ចឹម ទុកខ្ញុំចិញ្ចឹម”។ដូចគ្នាដដែលម្ចាស់គណនី
Kim Ratana ក៏បានប្រលែងនូវមតិរបស់ខ្លួនថា”លែងលះទៅ បុរសបែបនេះមិនគួរអោបក្រសោបទូលទុក ការរស់នៅត្រូវសប្បាយចិត្ត ខ្វះអីអ្នក មេម៉ា់យមានច្រើនណាស់”។និងមតិចុងក្រោយដែលផ្តល់ឲ្យប្អូនស្រីនោះគឺម្ចាស់គណនី
Sreysothy Ly :គួរតែពីចារណាឡើងវិញអូនស្រី បើអូនទ្រាំមិនបានទេ អូនសម្រេចចិត្តទៅ អូននៅយូរទៅកាន់តែរីងរៃណាអូនណា។
សរុបសេចក្តីមក Fan របស់គេហទំព័រ ដំណឹង ដែលបានអានអត្ថបទរបស់ប្អូនស្រីហើយយល់ពីជម្រៅទុក្ខសោកនេះ ម្នាក់ៗពិតជាចង់ឲ្យប្អូនស្រី មានក្តីសុខ ដោយឲ្យលែងលះជាធំ ដើម្បីចាក់ចេញពីភាពសោកសៅនេះ ។ចំណែក ពូ ដំណឹង នៅពេលនេះ សូមមិនទាន់បញ្ចេញយោបល់ ព្រោះថាយោបល់របស់ Fan ក៏ជាគំនិតល្អ ម្យ៉ាងដែរ៕
មតិយោបល់