រតនគិរី: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា គណ:បញ្ជាការឯកភាពក្រុងបានលុងដឹកនាំដោយលោក ងិន ណែល ជាប្រធាន និងក្រោមការដឹកនាំសម្រសម្រួលនីតិវិធីដោយលោក រ៉ា បូរ៉ាន់ឌី ព្រះរាជអជ្ញារងអមសាលាដំបូងខេត្ត នៅវេលាម៉ោង២២និង៣០នាទី ថ្ងៃទី២២ ខែមេសា ឆ្នាំ២០២១ បានឃាត់ខ្លួនជនសង្ស័យម្នាក់ នៅចំណុចមុខផ្ទះសំណាក់ តាំង នីហេង ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី ពាក់ព័ន្ធករណីល្មើសនឹង បំរាមគោចររបស់រដ្ឋបាលខេត្ត និងករណីរក្សាទុកប្រើប្រាស់ ដោយខុសច្បាប់នូវសារធាតុញៀន (ក្នុងបទជាក់ស្តែង) ។
ជនសង្ស័យមានឈ្មោះ សន ពិសិទ្ធ ភេទប្រុស អាយុ៤១ឆ្នាំ ជនជាតិខ្មែរ មុខរបរ ជាយោធា រស់នៅភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី ។ លទ្ធផលតេស្តរកសារធាតុញៀន គឺ វិជ្ជមាន(+) ។
វត្ថុតាងដកហូតរួមមាន ៖ ម្សៅក្រាមពណ៌សថ្លា សង្ស័យជាសារធាតុញៀន ចំនួន០១កូនថង់តូច ទំងន់០.៣៤ក្រាមថ្លឹងទាំងសម្បកថង់,ម៉ូតូ១គ្រឿង , ទូរសព្ទ ០១ គ្រឿង ។
បច្ចុប្បន្នជនសង្ស័យ រួមទាំងវត្ថុតាងបានឃាត់ និងរក្សាទុកបណ្តោះអាសន្ន នៅអធិការដ្ឋានក្រុងបានលុង ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគិរី អនុវត្តតាមនីតិវិធី ៕
មតិយោបល់