ផ្ទះ ព័ត៌មានជាតិ បុរសម្នាក់បើក...

បុរសម្នាក់បើកម៉ូតូលឿនដូចហោះ បុករថយន្តកងរាជអាវុធហត្ថ​ស្រុក​ភ្នំក្រវាញពីក្រោយ បណ្ដាលឲ្យរងរបួសធ្ងន់បាក់ភ្លៅ

0

ពោធិ៍សាត់: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កាលពី​យប់​ថ្ងៃ​ទី​២៩​ ខែមេសា​ ឆ្នាំ​២០២១​ នៅ​វេលា​ម៉ោង​១០​និង​១៥​នាទី​ មាន​បុរស​ម្នាក់​បាន​បើក​ម៉ូតូ​លឿន​ដូច​ហោះ​បាន​បុក​រថយន្ត​ដែល​ចត​នៅ​លើ​ចិញ្ចើមថ្នល់​ របស់​កម្លាំង​សមត្ថកិច្ច​ ដែល​ឈរជើង​ត្រួតពិនិត្យ​ការ​ធ្វើ​ដំណើរ​នៅ​ពេល​យប់​បណ្តាល​ឲ្យ​រង​របួសធ្ងន់​ នៅ​លើ​ផ្លូវ​លេខ​១៥៥​ នៅ​ចំណុច​ទល់មុខ​ក្លោ​ង​ទ្វារ​វត្ត​ស្បូវ​រីក​ ស្ថិត​នៅ​ក្នុងភូមិ​ស្បូវ​រីក​ ឃុំ​លា​ច​ស្រុក​ភ្នំក្រវាញ​ខេត្តពោធិ៍សាត់​។​

​លោក​វរសេនីយ៍ឯក​ តាន់​ គា​រិ​ទ្ធ​ អធិការ​នគរបាល​ស្រុក​ភ្នំក្រវាញ​បាន​ឲ្យ​ដឹង​ថា​ មុន​ពេល​កើតហេតុ​មាន​កម្លាំង​នគរបាល​អធិការដ្ឋាន​ស្រុក​ភ្នំក្រវាញ​ សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​ និង​កម្លាំង​កងរាជអាវុធហត្ថ​ស្រុក​ចុះ​ត្រួតពិនិត្យ​ការ​ធ្វើ​ដំណើរ​របស់​ប្រជាពលរដ្ឋ​នៅ​ពេល​យប់​ចាប់ពី​ម៉ោង​៨​និង​00​នាទី​ រហូត​ដល់​ម៉ោង​៥​និង​00​នាទី​ព្រឹក​ ដើម្បី​អនុវត្ត​តាម​សេចក្តីណែនាំ​របស់​រដ្ឋបាល​ខេត្តពោធិ៍សាត់​ សំដៅ​រក​ឲ្យ​ឃើញ​ករណី​លួច​ធ្វើ​ដំណើរ​ ករណី​លួច​ឆ្លង​ដែន​ខុសច្បាប់​ និង​ករណី​លួច​ដឹក​ជញ្ជូន​ជនបរទេស​គេច​ចេញពី​ភូមិសាស្ត្រ​បិទ​ខ្ទប់​នៃ​រដ្ឋបាល​រាជធានី​-​ខេត្ត​ មក​កាន់​ខេត្តពោធិ៍សាត់​។​ នៅ​ខណ​:​នោះ​ស្រាប់តែ​មាន​ម៉ូតូ​មួយ​គ្រឿង​ម៉ាក​វ៉េវ​អាល់​ហ្វា​ពណ៌​ខៀវ​ គ្មាន​ស្លាក​លេខ​បើ​កបរ​ដោយ​ឈ្មោះ​ សៀម​ សិលា​ ភេទ​ប្រុស​ អាយុ​ ២៥​ ឆ្នាំ​ មានមុខរ​បរជា​កសិករ​ រស់នៅ​ក្នុងភូមិ​ព្រ​ងិ​ល​ ឃុំ​ព្រ​ងិ​ល​ស្រុក​ភ្នំ​ក្រ​វ៉ា​ញ​ ទិស​ដៅ​ពី​កើត​ទៅ​លិច​ក្នុង​ល្បឿន​លឿន​ លុះ​មក​ដល់​ចំណុច​កើតហេតុ​ខាងលើ​ បាន​ទៅ​បុក​ពីក្រោយ​រថយន្ត​មួយ​គ្រឿង​ម៉ាក​ toyota​ កាម​រី​បា​ឡែ​ន​ពណ៌​ទឹកប្រាក់​ពាក់​ស្លាក​លេខ​ ពោធិ៍សាត់​ 2A-​ 5673​ បើកបរ​ដោយ​ឈ្មោះ​ អ៊ី​វ​ វិបុល​ ភេទ​ប្រុស​អាយុ​ ២៨​ ឆ្នាំ​ មានមុខ​របរ​ ជា​កងរាជអាវុធហត្ថ​ស្រុក​ភ្នំក្រវាញ​ ដែល​បាន​ចត​នៅ​លើ​ចិញ្ចើមថ្នល់​ខាងស្ដាំ​ ដើម្បី​ធ្វើ​ប្រតិបត្តិការ​ត្រួតពិនិត្យ​បណ្តាល​ឲ្យ​បុរស​បើក​ម៉ូតូ​រង​របួសធ្ងន់​បាក់​ភ្លៅ​ និង​ខូច​រថយន្ត​ផ្នែក​ខាងក្រោយ​។​ ជន​រង​គ្រោះ​ត្រូវ​បាន​គេ​បញ្ជូន​ទៅ​ព្យាបាល​នៅ​មន្ទីរពេទ្យ​ខេត្តពោធិ៍សាត់​។​

​លោក​អធិការ​បាន​បន្ត​ទៀត​ថា​ ករណី​គ្រោះថ្នាក់​ចរាចរណ៍​នេះ​បណ្តាល​មក​ពី​កត្តា​ល្បឿន​។​ ចំពោះ​ម៉ូតូ​និង​រថយន្ត​ត្រូវ​បាន​គេ​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​ភ្នំក្រវាញ​ដើម្បី​ចាត់ការ​ទៅ​តាម​នីតិវិធី​៕

មតិយោបល់