បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ភ្លៀងធ្លាក់លាយឡំនិងខ្យល់កន្ត្រាក់ បណ្តាលឲ្យបំផ្លាញខូចខាតលំនៅដ្ឋានប្រជាពលរដ្ឋចំនួន១ខ្នង របើកដំបូល រន្ទះបាញ់ស្លាប់មនុស្ស១នាក់ រងរបួសធ្ងន់១នាក់ ។
ហេតុការណ៍នេះកើតឡើងនៅថ្ងៃទី១២ ខែឧសភា ឆ្នាំ២០២១ វេលាម៉ោង១៤និង៤០នាទី ក្នុងភូមិស្រះកែវ ឃុំកំពង់ព្រះ ស្រុកសង្កែ មានករណីនៅត្រង់ចំនុចភូមិស្វាយកង់ ឃុំអន្លង់វិល ស្រុកសង្កែ ។
ជនរងគ្រោះមានឈ្មោះ ជ័យ ចេក ភេទស្រី អាយុ ៧ឆ្នាំ (ស្លាប់) និងឈ្មោះ ជ័យ សូរិយា ភេទស្រី អាយុ ១៤ឆ្នាំ (របួសធ្ងន់កំពុងសំរាកព្យាបាលនៅមន្ទីពេទ្យបង្អែកខេត្ត) អ្នកទាំង២នាក់រស់នៅភូមិស្វាយកង់ ឃុំអន្លង់វិល ស្រុកសង្កែ។
បច្ចុប្បន្ន កម្លាំងនគរបាលស្រុកបានចុះធ្វើការត្រួតពិនិត្យ និងរៀបចំផ្ទះជូនប្រជាពលរដ្ឋឡើងវិញ ៕
មតិយោបល់