កោះកុង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់ស្រវឹងស្រាបានបើករថយន្តរេចង្កូតបុករទេះជនពិការ ខណ:កំពុងធ្វើដំណើរបញ្ច្រាសទិសគ្នា បណ្តាលឲ្យរងរបួសធ្ងន់ម្នាក់ ។
ហេតុការណ៍នេះកើតឡើងនៅវេលាម៉ោង ៨និង២០នាទីយប់ ថ្ងៃទី២២ ខែឧសភា ឆ្នាំ២០២១ នៅចំណុចលើស្ពាន ក្នុងភូមិ២ សង្កាត់ដងទង់ ក្រុងខេមរភូមិន្ទ ។
ជនបង្កឈ្មោះ លឹម ចាន់រិទ្ធី អាយុ ៤៣ឆ្នាំ ជនជាតិខ្មែរ មុខរបរបុគ្គលិកអេស៊ីលីដា ទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ បើកបររថយន្តម៉ាកហាឡែនឌ័រ ពណ៌ក្រហម ពាក់ស្លាកលេខភ្នំពេញ 2AR-7754 ធ្វើដំណើរពីជើងទៅត្បូង ។ លុះមកដល់ចំណុចខាងលើក៏បុកជាមួយរទេះជនពិការតែម្តង បណ្តាលឲ្យភាគីរទេះរងបួសធ្ងន់ ចំណែកអ្នកបើកបររថយន្តមិនមានរងរបួស ។
ជនរងគ្រោះឈ្មោះ មើត ម៉ាស្សី ភេទប្រុស អាយុ ២៣ឆ្នាំ ជនជាតិខ្មែរអ៊ីស្លាម ជាជនពិការមានទីលំនៅ ភូមិ៤ សង្កាត់ដងទង់ ក្រុងខេមរភូមិន្ទ រងរបួសបែកក្បាលខាងក្រោយ ។
មូលហេតុ៖ នៃគ្រោះថ្នាក់ខាងលើ បណ្តាលមកពីអ្នកបើកបររថយន្ត បើកបរក្នុងស្ថានភាពស្រវឹង មិនប្រកាន់ស្តាំ។
បច្ចុប្បន្ន រថយន្តនិងរទេះកម្លាំង សមត្ថកិច្ចជំនាញបានយកមករក្សាទុកនអធិការដ្ឋានគរបាលក្រុងរង់ចាំធ្វើកាដោះស្រាយតាមនីតិវិធី ៕
មតិយោបល់