ព្រះសីហនុៈ នៅវេលាម៉ោង ៦និង៤៥នាទីព្រឹកថ្ងៃទី២៤ ខែឧសភា ឆ្នាំ២០២១ មានករណីគ្រោះថ្នាក់ចរាចរណ៍រវាងរថយន្ត ៣គ្រឿង លើដងផ្លូវជាតិលេខ៤ ស្ថិតត្រង់ចន្លោះគីឡូម៉ែត្រលេខ២០០-២០១ ភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

រថយន្តម៉ាក SSANGYONG ពណ៌ស ពាក់ស្លាក លេខភ្នំពេញ 2AT-5358 បើកបរដោយឈ្មោះ ណុប រៀន ភេទប្រុស អាយុ ៣៨ឆ្នាំ (រងរបួស) មានទីលំនៅភូមិស្រែចាមលើ ឃុំអូរជ្រៅ ស្រុកព្រៃនប់ ខេត្តព្រះសីហនុ។
រថយន្តម៉ាក LEXUS RX ៣០០ ពណ៌ខ្មៅ ពាក់ផ្លាកលេខភ្នំពេញ 2T-4688 (អ្នកបើកបររត់គេច)។
រថយន្ត HIGHLANDER ពណ៌ខ្មៅ បើកបរដោយឈ្មោះ ញ៉ សុខជា ភេទប្រុស អាយុ ៣៤ឆ្នាំ មានទីលំនៅភូមិតាំងក្រង់ ឃុំស្វាយទាប ស្រុកចំការលើ ខេត្តកំពង់ចាម។

ដំណើររឿង៖ មុនពេលកើតហេតុគេឃើញរថយន្ត SSANGYONG ធ្វើដំណើរតាមបណ្ដោយផ្លូវជាតិលេខ៤ ពីព្រះសីហនុទៅភ្នំពេញ ខណៈកំពុងធ្វើដំណើរមកដល់ចំណុចកើតហេតុ ស្រាប់តែបុករថយន្ត LEXUS RX ៣០០ បណ្ដាលឲ្យរថយន្ត LEXUS RX ៣០០ នោះត្រូវបានរថយន្ត HIGHLANDER កំពុងធ្វើដំណើរស្របទិសគ្នាបុកបន្ថែម រងការខូចខាត។

ក្រោយពេលកើតហេតុសមត្ថកិច្ច ចុះដល់ទីតាំងធ្វើការវាស់វែង យកវត្ថុតាងទៅរក្សាទុក នៅអធិការដ្ឋាននគរបាលស្រុកព្រៃនប់ ដើម្បីរង់ចាំដោះស្រាយតាមនីតិវិធី ចំពោះអ្នករងរបួស ត្រូវបានបញ្ជូនទៅសម្រាកព្យាបាលនៅមន្ទីរពេទ្យ៕