ផ្ទះ ព័ត៌មានជាតិ កម្លាំងការិយា...

កម្លាំងការិយាល័យកម្រិតធ្ងន់ក្រសួងមហាផ្ទៃ ឃាត់ខ្លួនជនសង្ស័យ២នាក់ បន្ទាប់ពីធ្វើសកម្មភាពឆក់ទូរស័ព្ទដៃជនបរទេស

0

ភ្នំពេញ: ជនសង្ស័យ២នាក់ ត្រូវបានកម្លាំងការិយាល័យ ព្រហ្មណ្ឌកម្រិតធ្ងន់ក្រសួងមហាផ្ទៃ ប្រដេញចាប់ប្រផាប់ប្រភីង បន្ទាប់ពីជនសង្ស័យបានធ្វើសកម្មភាព ឆក់ទូរស័ព្ទដៃ ជាក់ស្ដែង តែមិនបានសម្រេច ពីជនបរទេស កំពុងដើរតាមដងផ្លូវ ។ ហេតុការណ៍នេះកើតឡើង កាលពីវេលាម៉ោង០៤ និង៤០នាទីល្ងាចថ្ងៃទី២៥ ខែឧសភា ឆ្នាំ២០២១ នៅមហាវិថីព្រះនរោត្តម កែងផ្លូវលេខ២៤០ មូលដា្ឋនសង្កាត់ចតុមុខ ខណ្ឌដូនពេញ ។

ជនសង្ស័យទាំងនាក់៖ ទី១-ឈ្មោះ សោម ចាន់ អាយុ ២០ ឆ្នាំ មុខរបរមិនពិតប្រាកដ ស្នាក់នៅសង្កាត់ គីឡូលេខ៦ ខណ្ឌឫស្សីកែវ ភ្នំពេញ ជាអ្នកបើកម៉ូតូ ។ ទី២-ឈ្មោះ សុខ សុភ័ក្រ្ត អាយុ ១៦ ឆ្នាំ មុខរបរមិនពិតប្រាកដ ស្នាក់នៅ សង្កាត់ គីឡូម៉ែតលេខ៦ ខណ្ឌឫស្សីកែវ អ្នកធ្វើសកម្មភាពឆក់ ។

ដោយមានកាបញ្ជាផ្ទាល់ ពីឧត្តមសេនីយ៍ឯក ង៉េង ជួ ប្រធាននាយកដ្ឋាននគបាល ព្រហ្មទណ្ឌក្រសួងមហាផ្ទៃបានបញ្ជាឱ្យលោកឧ ត្តមសេនីយ៍ទោ ជាវ វិបុល អនុប្រធាននាយកដ្ឋាននគបាលព្រហ្មទណ្ឌក្រសួងមហាផ្ទៃ ឲ្យដាក់កម្លាំងល្បាតមូលដ្ឋាន តាមតំបន់ងាយរងគ្រោះ ចំពោះករណីឆក់ ក្នុងនោះកម្លាំងព្រហ្មទណ្ឌក្រសួងមហាផ្ទៃ បានធ្វើការល្បាតទៅតាមផែនការ ដែលថ្នាក់ដឹកនាំបានចាត់តាំង
ពេលកម្លាំងជំនាញកំពុងល្បាតក្នុងមូលដ្ឋាន និងភូមិសាស្ត្រ ងាយរងគ្រោះ ស្រាប់តែប្រទះឃើញ ជនសង្ស័យ២នាក់ ជិះម៉ូតូ១គ្រឿងម៉ាក់ អាសង់ ប៊ិច ពណ៌ខ្មៅ ពាក់ផ្លាកលេខភ្នំពេញ 1BT- 5712 ធ្វើសកម្មភាព ឆក់ទូរស័ព្ទដៃជាក់ស្ដែង ពីជនបរទេស កំពុងតែដើរហាត់ប្រាណ នៅតាមបណ្ដោយផ្លូវលេខ២៨៨ កែងផ្លូវលេខ៦៣ មូលដ្ឋានសង្កាត់បឹងកេងកងទី១ ខណ្ឌបឹងកេងកង តែមិនបានសម្រេច ភ្លាមៗនោះ កម្លាំងជំនាញ បានប្រដេញប្រផាប់ប្រភីង រហូតដល់ចំណុច នៅមហាវិថីព្រះនរោត្តម កែងផ្លូវលេខ២៤០ មូលដា្ឋនសង្កាត់ចតុមុខ ខណ្ឌដូនពេញ ទើបចាប់ជនសង្ស័យបាន ។

បច្ចុប្បន្នជនសង្ស័យទាំង២នាក់ រួមទាំងម៉ូតូធ្វើសកម្មភាព ត្រូវបាននគរបាលឃាត់ និងនាំទៅកាន់អធិការដ្ឋាននគរបាលខណ្ឌបឹងកេងកង ដើម្បីចាត់ការតាមនីតិវិធី ៕

មតិយោបល់