ភ្នំពេញៈ បុរសម្នាក់ស្រវឹងបើករថយន្ដ SIENNA បុកជាមួយរថយន្ដមួយគ្រឿងទៀតមិនស្គាល់ម៉ាក ហើយក៏ជ្រុលចង្កូតទៅបុកចូលផ្ទះបើកអាហារដ្ឋានយីហោ «វែងលី» បណ្ដាលឲ្យខូចខាតម៉ូតូ២គ្រឿង និងសម្ភារៈនៅខាងក្នុងខ្ទេចស្ទើរទាំងស្រុង។

ហេតុការណ៍នេះកើតឡើងកាលពីវេលាម៉ោង០១និង១០នាទីយប់ឈានចូល ថ្ងៃទី១៥ ខែសីហា ឆ្នាំ២០១៦ តាមបណ្ដោយផ្លូវ១៦៣ កែង និងផ្លូវលេខ ៤៣២ ត្រង់ចំណុចស្តុបជិតផ្សារទួលទំពូង សង្កាត់ទួលទំពុង ១ ខណ្ឌចំការមន។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្ដ SIENNA មួយគ្រឿង ពាក់ស្លាកលេខ ភ្នំពេញ 2AC-8209 ជិះដោយបុរសម្នាក់ ធ្វើដំណើរតាមបណ្ដោយផ្លូវលេខ៤៣២ ក្នុងទិសដៅពីលិចទៅកើត មកដល់ចំណុចកើតហេតុខាងលើ រថយន្ដមួយគ្រឿងមិនស្គាល់ម៉ាក ធ្វើដំណើរតាមបណ្ដោយផ្លូវ១៦៣ ក្នុងទិសដៅពីជើងទៅត្បូង បុកចំពាក់កណ្ដាលរថយន្ដSIENNA ខាងលើ បណ្ដាលរ៉េចង្កូតទៅបុកបុកចូលផ្ទះបើកអាហារដ្ឋាន «វែងលី» រងការខូចខាតម៉ូតូ៤គ្រឿង និងសម្ភារៈមួយចំនួនខ្ទេចស្ទើរទាំងស្រុង។

ក្រោយពេលកើតហេតុរថយន្ត SIRNNA ត្រូវបានស្ទួចទៅការិយាល័យនគរបាលចរាចរណ៍ក្រុងភ្នំពេញ រង់ចាំដោះស្រាយគ្នានៅពេលក្រោយ៕

https://youtu.be/YXeAOG-xCCk