ព័ត៌មានជាតិ

នគរបាលព្រហ្មទណ្ឌ ឃាត់ខ្លួនជនសង្ស័យម្នាក់ យកកាំភ្លើង បាញ់ឲ្យមានរបួសស្នាម

កំពង់ចាម: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំង​ជំនាញ​របស់​ផែន​ការងារ​នគរបាល​ព្រហ្មទណ្ឌ​ បាន​ចុះ​ឃាត់ខ្លួន​ជនសង្ស័យ​ម្នាក់​ តាម​ដីកា​បង្គាប់​ឲ្យ​នាំ​ ខ្លួន​ របស់​ចៅក្រម​ស៊ើបសួរ​ នៃ​សាលាដំបូង​ខេត្តកំពង់ចាម​ ពី​បទ​ហិង្សា​ដោយ​ចេតនា​មាន​ស្ថាន​ទម្ងន់ទោស​ដោយ​ប្រើ​អាវុធ​ និង​បទ​កាន់កាប់​ ឬ​ដឹក​ជញ្ជូន​អាវុធ​ដោយ​គ្មាន​ការ​អនុញ្ញាតិ​ ។​

​លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ បាន​មាន​ប្រសាសន៍​ឱ្យ​ដឹង​នៅ​យប់​ថ្ងៃ​ទី​១​ ខែមិថុនា​ ថា​ លោក​បាន​ចាត់​ឱ្យ​កម្លាំង​ជំនាញ​របស់​ផែន​ការងារ​នគរបាល​ ព្រហ្មទណ្ឌ​ ដឹកនាំ​ដោយ​លោក​ឧត្តមសេនីយ៍ត្រី​ ហេង​ វុ​ទ្ធី​ ស្នងការ​រង​ សហការ​ជាមួយ​កម្លាំង​ជំនាញ​របស់​អធិការដ្ឋាន​នគរបាល​ស្រុក​ចម្ការលើ​ ចុះ​អនុវត្ត​ដីកា​បង្គាប់​ឲ្យ​នាំ​ខ្លួន​លេខ​៤១៦​ ព​.​ស​ ចុះ​ថ្ងៃ​ទី​២៤​ ខែឧសភា​ ឆ្នាំ​២០២១​ ចេញ​ដោយ​លោក​ សួ​ស​ ឡា​ ចៅក្រម​ស៊ើបសួរ​ នៃ​សាលាដំបូង​ខេត្តកំពង់ចាម​ បាន​ឃាត់​និង​នាំ​ខ្លួន​ឈ្មោះ​ អេ​ង​ សុខ​រ៉ា​ន់​ ភេទ​ប្រុស​ អាយុ​៣៧​ឆ្នាំ​ នៅ​ត្រង់​ចំណុច​ភូមិ​ស្ពឺ​លិច​ ឃុំ​ស្ពឺ​ ស្រុក​ចម្ការលើ​ ខេត្តកំពង់ចាម​ ពី​បទ​ហិង្សា​ដោយ​ចេតនា​មាន​ស្ថាន​ទម្ងន់ទោស​ដោយ​ប្រើ​អាវុធ​ និង​បទ​កាន់កាប់​ឬ​ដឹក​ជញ្ជូន​អាវុធ​ដោយ​គ្មាន​ការ​អនុញ្ញាត​ កាលពី​ថ្ងៃ​ទី​១៦​ ខែមេសា​ ឆ្នាំ​២០២១​ ប្រព្រឹត្ត​នៅ​ភូមិ​បិត​ធ្នូ​ ឃុំ​អូរ​ម្លូ​ស្រុក​ស្ទឹង​ត្រង់​ ខេត្តកំពង់ចាម​ ។​

​បច្ចុប្បន្ន​ ជនសង្ស័យ​ឈ្មោះ​ អេ​ង​ សុខ​វ៉ា​ន់​ ហៅ​ អេ​ង​ សុវណ្ណ​រ៉ា​ន់​ ត្រូវ​បាន​នាំ​ខ្លួន​មក​កាន់​ស្នងការដ្ឋាន​នគរបាល​ខេត្តកំពង់ចាម​ ដើម្បី​ចាត់ការ​តាម​នីតិវិធី​ ៕

មតិយោបល់