ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងល្បាត នៃអធិការដ្ឋាននគរបាលខណ្ឌមានជ័យ បានឃាត់ខ្លួនជនសង្ស័យម្នាក់ ដកហូតក្រាមសថ្លា១១កញ្ចប់សង្ស័យជាគ្រឿងញៀន វេលាម៉ោង៣ម៉ោង៣០នាទីរំលងអធ្រាត្រ នៅចំណុចផ្លូវបេតុង ភូមិមានជ័យ១ សង្កាត់ស្ទឹងមានជ័យទី១ ថ្ងៃទី០៤ ខែឧសភា ឆ្នាំ២០២១ ។
ជនសង្ស័យឈ្មោះ ឌឹម ចន្ធី ភេទប្រុស អាយុ៣១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ មិនពិតប្រាកដ (ឃាត់ខ្លួនមានសារធាតុញៀន) ។
ដកហូតវត្ថុតាងនិងសម្ភាររួមមាន៖ ក្រាមពណ៌សថ្លាចំនួន២១កញ្ចប់ថង់តូច, ទូរស័ព្ទចាស់១គ្រឿង, ម៉ូតូ ១គ្រឿង ម៉ាក Scoopy ផ្លាកលេខភ្នំពេញ 1HA 4192 ។
បច្ចុប្បន្ន ជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីអនុវត្តតាមនីតិវិធី ៕
មតិយោបល់