ផ្ទះ ព័ត៌មានជាតិ បង្ក្រាប​ជនសង...

បង្ក្រាប​ជនសង្ស័យ២នាក់ នៅ​ចំណុច​ផ្ទះសំណាក់​យីហោ​ ឡឺ​វែ​ល​ (Level) ករណី​រក្សា​ទុក​ ជួញដូរ​ និងចែកចាយ​គ្រឿងញៀន

0

​បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ កម្លាំង​អធិការដ្ឋាន​នគរបាល​ក្រុង​បាត់ដំបង​ បាន​ធ្វើការ​បង្ក្រាប​ករណី​រក្សា​ទុក​ ជួញដូរ​ ចែកចាយ​គ្រឿងញៀន​ខុសច្បាប់​ ១​លើក​ ឃាត់ខ្លួន​ជនសង្ស័យ​២​នាក់​ ។​

​ប្រតិបត្តិការ​ខាងលើ​នេះ សមត្ថកិច្ច​បាន​ធ្វើ​នៅ​ចំណុច​ផ្ទះសំណាក់​យីហោ​ ឡឺ​វែ​ល​ (Level)​ បន្ទប់​លេខ​៣១១​ ស្ថិត​នៅ​ភូមិ​រំចេក​៤​ សង្កាត់​រតន:​ ក្រុង​បាត់ដំបង​ ខេត្តបាត់ដំបង​ ឃាត់ខ្លួន​ជនសង្ស័យ​ ចំនួន​២​នាក់​ ។​

​លោក​វរសេនីយ៍ឯក​ ពេជ្រ​ សា​រ៉ែ​ន​ អធិការ​នគរបាល​ក្រុង​បាត់ដំបង​ បានឲ្យ​ដឹង​ថា​ នៅ​ថ្ងៃ​ទី​០៥​ ខែមិថុនា​ ឆ្នាំ​២០២១​ វេលា​ម៉ោង​១៦​និង​២០​នាទី​ កម្លាំង​ផ្នែក​ប្រឆាំង​គ្រឿងញៀន​ សហការ​ជាមួយ​កម្លាំង​អធិការដ្ឋាន​នគរបាល​ក្រុង​បាត់ដំបង​ បាន​ចុះ​កិច្ច​ប្រតិបត្តិការ​បង្ក្រាប​ករណី​ រក្សា​ទុក​ដោយ​ខុសច្បាប់​នូវ​សារធាតុ​ញៀន​ ០១​ករណី​ ក្នុង​បទល្មើស​ជាក់ស្តែង​ឃាត់ខ្លួន​ឈ្មោះ​ យ៉ែ​ម​ រិ​ទ្ធី​យ៉ា​ ភេទ​ប្រុស​ អាយុ​ ២៥​ឆ្នាំ​ មាន​ទីលំនៅ​ភូមិ​បោះ​ពោធិ៍​ ឃុំ​អូរ​ដំបង​១​ ស្រុក​សង្កែ​ ខេត្តបាត់ដំបង​ និង​ឈ្មោះ​ ជុំ​ ពិសី​ ភេទ​ស្រី​ អាយុ​២០​ឆ្នាំ​ មាន​ទីលំនៅ​ភូមិ​ដង្កោ​ទាប​ សង្កាត់​ទួល​តា​ឯក​ ក្រុង​បាត់ដំបង​ ខេត្តបាត់ដំបង​ ។​

វត្ថុ​តាង​ចាប់​យក​រួម​មាន​ ៖​ ថ្នាំ​ញៀន​ប្រភេទ​មេ​តំ​ហ្វេ​តា​មីន​ចំនួន​០១​ថង់​ និង​សម្ភារ​មួយ​ចំនួន​ទៀត​ ។​

​ករណី​នេះ​ កម្លាំង​ជំនាញ​បាន​បញ្ជូន​ជនសង្ស័យ​ និង​វត្ថុ​តាង​ ទៅ​កាន់​ការិយាល័យ​ជំនាញ ​នៃ​ស្នងការដ្ឋាន​នគរបាល​ខេត្ត​ ដើម្បី​អនុវត្ត​បន្ត​តាម​ផ្លូវច្បាប់​ ៕

មតិយោបល់