ក្រោយពីក្រុមហ៊ុន Nokia លក់អាជីវកម្មទូរស័ព្ទចល័តរបស់ខ្លួនឲ្យទៅក្រុមហ៊ុន Microsoft រួចមក ក៏ចាប់ផ្ដើមលេចធ្លាយព័ត៌មានចចាមអារ៉ាមជាថ្មីថា ស្មាតហ្វូន Nokia នឹងប្រើប្រាស់ប្រព័ន្ធដំណើរការ Android ហើយរូបភាព និងឈ្មោះក៏ចាប់ផ្ដើមលេចចេញជាបន្តបន្ទាប់។
ដោយឡែក ក្រុមអ្នកវិភាគជាច្រើនបានលើកឡើងដូចគ្នាថា វាមិនអាចទៅរួចនោះទេ ព្រោះថាកាលពីឆ្នាំ ២០១៣ ក្រុមហ៊ុន Nokia បានលេចមុខលេចមាត់ឡើងវិញ ដោយសារតែ Lumia Smartphone ពោលគឺស្មាតហ្វូនដែលប្រើប្រព័ន្ធដំណើរការ Windows Phone។ ក្រុមអ្នកវិភាគបានបន្តទៀតថា បើសិនជាក្រុមហ៊ុន Nokia មិនទាន់លក់អាជីវកម្មទូរស័ព្ទចល័តឲ្យទៅ Microsoft នោះភាគរយនៃការប្រើប្រាស់ប្រព័ន្ធដំណើរការ Android ខ្ពស់ ប៉ុន្តែនៅពេលនេះ អាជីវកម្មទូរស័ព្ទចល័តត្រូវបាន Microsoft ជាអ្នកកាន់កាប់ ដូច្នេះ គ្មានថ្ងៃដែល Microsoft ចាប់យកប្រព័ន្ធដំណើរការផ្សេង ដោយបោះបង់របស់ខ្លួនឡើយ ព្រោះថាបច្ចុប្បន្ន អ្នកដែលប្រើ Windows Phone គឺមានតែ Nokia មួយប៉ុណ្ណោះ។
យោងតាមហេតុផលខាងលើនេះ យើងអាចបញ្ជាក់បានថា គ្មាន Nokia Android smartphone ឡើយ៕
មតិយោបល់