(ថៃ)៖ តារាចម្រៀងស្រីល្បីឈ្មោះរបស់ថៃ កញ្ញា Kratae ត្រូវបានអ្នកតាមដានវិស័យសិល្បៈថៃសង្កេតឃើញថា ហាក់មានការងារសិល្បៈជោគជ័យជាខ្លាំង ជាមួយរូបសម្រស់ស្រស់សោភា ទឹកមុខមានមន្តស្នេហ៍។ ក្រៅពីជោគជ័យលើការងារ តារាស្រីរូបនេះក៏បានប្រើប្រាស់ជីវិតយ៉ាងមានសុភមង្គលផងដែរ។ ជាពិសេសថ្មីៗនេះ នាងបានបង្ហាញពីជីវិតរស់នៅដ៏ស៊ីវីល័យ ជាមួយនឹងការបង្ហាញពីម៉ូតផ្ទះ កែច្នៃចេញជារូបរាងថ្មី ដែលកំពុងតែសាងសង់យ៉ាងទាក់ទាញ។

លើបណ្តាញសង្គម Instagram តារាចម្រៀង Kratae បានបង្ហាញផ្ទះដ៏ស្កឹមស្កៃរបស់នាង ដែលកំពុងស្ថិតក្នុងក្នុងការស្ថាបនា ក្នុងនោះបើនិយាយពីការ design វិញគឺកប់សារីតែម្តង ជាមួយនឹងម៉ូតដូចសណ្ឋាគារ ពោលគឺមានការយកចិត្តទុកដាក់ទៅលើការរចនាគ្រប់ជ្រុងជ្រោយ មានភាពទាន់សម័យ និងធំទូលាយ ដែលមើលទៅធ្វើឲ្យការរស់នៅកាន់តែមានភាពងាយស្រួល ។

ទោះបីជាផ្ទះរបស់តារាស្រីរូបនេះ មិនទាន់ចេញរូបរាង សាងសង់រួចរាល់១០០ភាគរយក្តី ទស្សនិកជនដែលបានឃើញផ្ទះនេះ សុទ្ធតែលានមាត់ថា ពិតជាស្អាត គួរឲ្យចង់រស់នៅគ្រប់គ្នា។

ប្រភព៖ Instagram