កំពង់ឆ្នាំង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងជំនាញអធិការដ្ឋាននគរបាលស្រុកជលគីរី បានឃាត់ខ្លួនបុរសម្នាក់ ពាក់ព័ន្ធករណីប្រើប្រាស់អាវុធ (កាំភ្លើងច្នៃប្រើប្រាស់គ្រាប់ពិត) ខុសច្បាប់ ។
ករណីនេះ កម្លាំងបានធ្វើនៅថ្ងៃទី១១ ខែមិថុនា ឆ្នាំ២០២១ វេលាម៉ោង៩និង២០នាទីព្រឹក ។
បុរសខាងលើមានឈ្មោះ គង់ សាវីន អាយុ៣៤ឆ្នាំ សញ្ជាតិខ្មែរ រស់នៅភូមិតាមល់លើ ឃុំកោះថ្កូវ ស្រុកជលគិរីខេត្ត កំពង់ឆ្នាំង ។ ជាមួយនឹងការឃាត់ខ្លួន សមត្ថកិច្ចបានដកហូតអាវុធកែច្នៃបាញ់គ្រាប់ពិត១ដើម ប្រភេទគ្រាប់ A.K ចំនួន២០គ្រាប់ និងគ្រាប់ប្រភេទ M១៦ ចំនួន០៧គ្រាប់ ។
បច្ចុប្បន្ន បុរសខាងលើ រួមនឹងវត្ថុតាង កម្លាំងបានកសាងសំណុំរឿង អនុវត្តបន្តតាមនីតិវិធី ៕
មតិយោបល់