ព្រះសីហនុៈ នៅវេលាម៉ោង៥និង៣០នាទីព្រឹកថ្ងៃទី១៣ ខែមិថុនា ឆ្នាំ២០២១ មានករណីគ្រោះថ្នាក់ចរាចរណ៍មួយកើតឡើង រថយន្ត១គ្រឿងម៉ាកហ៊ីយ៉ាន់ដាយ បានរេចង្កូតក្រឡាប់ លើដងផ្លូវជាតិលេខ៤ ត្រង់ចំណុចចន្លោះគីឡូ ១៦៤-១៦៥ ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ ។

ករណីគ្រោះថ្នាក់ចរាចរណ៍ខាងលើនេះ បង្កឡើងដោយខ្លួនឯង រថយន្ត១គ្រឿង ម៉ាកហ៊ីយ៉ានដាយ ពាក់ផ្លាកលេខ ភ្នំពេញ 3E4134 បើកបរដោយឈ្មាះ ឃិន ចាន់ណា ភេទប្រុស អាយុ២៧ឆ្នាំ មានទីលំនៅភូមិចន្លោះ ឃុំព្រៃពួច ស្រុកអង្នួល ខេត្តកណ្តាល ក្នុងទិសដៅភ្នំពេញ-ខេត្តព្រះសីហនុ ។ លុះពេលបើកបរមកដល់ត្រង់ចំណុចកើតហេតុខាងលើ មានសភាពភ្លៀងងងឹត រេចង្កូតបណ្តាលអោយក្រឡាប់ នៅផ្លូវថ្នល់មិនបង្កអោយប៉ះពាល់នាក់ដទៃ ឬរងរបួសឡើយ ។ ក្រោយពេលកើតហេតុ កម្លាំងសមត្ថកិច្ចស្នាក់ការ៤០១ កំពុងសហការសម្រួលចរាចរណ៍ កុំអោយមានភាពកកស្ទះ រីឯរថយន្តត្រូវបានម្ចាស់ ស្ទូចយកទៅជួសជល់ ៕