ជនជាតិខ្មែរឥស្លាម ២នាក់ ស្លាប់ភ្លាមៗ ក្រោយចេញទៅទាក់សត្វ ខណៈមេឃកំពុងភ្លៀង ត្រូវរន្ទះបាញ់ នៅក្រោមដើមកាស្យា

កណ្ដាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ខ្មែរឥស្លាម​២​នាក់​ បាន​ចេញ​ទៅ​ទាក់​សត្វ​ ខណ:​មេឃ​កំពុង​ភ្លៀង​ តែ​អនិចារ​ត្រូវ​រន្ទះបាញ់​ស្លាប់​ភ្លាមៗ​គួរ​ឲ្យ​សង្វេគ​ កាលពី​ថ្ងៃ​ទី​២២​ ខែមិថុនា​ ឆ្នាំ​២០២១​ វេលា​ម៉ោង​ ១៣​និង​៤០​នាទី​ នៅ​ចំណុច​ទំនប់​សង្កែ​សោម​ ស្ថិត​ក្នុងភូមិ​ពោធិ​តា​ប៉ា​ង​ ឃុំ​ស្វាយ​ប្រទាល​ ស្រុក​ស្អាង​ ខេត្តកណ្តាល​ ។​

​មន្ត្រី​នគរបាល​ស្រុក​ស្អាង​បាន​ឲ្យ​ដឹង​ថា​ ជន​រង​គ្រោះ​ស្លាប់​ ១/​ឈ្មោះ​ ម៉ាត់​ ន​សា​ ភេទ​ប្រុស​ អាយុ​២៨​ឆ្នាំ​ ជនជាតិ​ឥ​ស្លា​ម​ មុខរបរ​ នេសាទ​ និង​ទី​ ២/​ឈ្មោះ​ ស៊េ​ន​ ម៉ា​អ៊ែ​ល​ ភេទ​ប្រុស​ អាយុ​១៦​ឆ្នាំ​ ជនជាតិ​ឥ​ស្លា​ម​ មុខរបរ​នេសាទ​។​ អ្នក​ទាំង​២​ មាន​ទី​លំ​ភូមិ​បា​រ៉ែ​ន​ក្រោម​ ឃុំ​ស្វាយ​ប្រទាល​ ស្រុក​ស្អាង​ ខេត្តកណ្តាល​ ។​

​ប្រភព​ដដែល​បន្ត​ថា​ នៅ​ថ្ងៃ​ទី​២២​ ខែមិថុនា​ ឆ្នាំ​២០២១​ វេលា​ម៉ោង​១៣​និង​០០​នាទី​ ឪពុក​ឈ្មោះ​ម៉ា​ន​ ស៊េ​ន​ អាយុ​៥៣​ឆ្នាំ​ ជនជាតិ​ឥ​ស្លា​ម​ បាន​នាំ​កូនប្រសារ​និង​កូនបង្កើត​ទៅ​វៃ​លប់​(​ទាក់​សត្វ​)​។​ លុះដល់​ម៉ោង​១៣​និង​៣០​នាទី​នា​ ថ្ងៃខែ​ឆ្នាំ​ដដែល​ឪពុក​និង​ជន​រង​គ្រោះ​ទាំង​ពីរ​នាក់​ បាន​នាំ​គ្នា​ទៅ​វៃ​លប់​ (​ទាក់​សត្វ​)​ រួច​ពេល​នោះ​មាន​ភ្លៀង​និង​ខ្យល់​យ៉ាង​ខ្លាំង​ឪពុក​និង​ជន​រង​គ្រោះ​បាន​នាំ​គ្នា​ទៅ​ជ្រក​ទឹកភ្លៀង​នៅ​ក្រោម​ដើមកា​ស្យា​ ភ្លាម​នោះ​ ក៏​មាន​រន្ទះបាញ់​ចំនួន​មួយ​គ្រាប់​បាន​បាញ់​ចំ​ដើមកា​ស្យា​បណ្តាល​ឲ្យ​ជន​រង​គ្រោះ​ទាំង​ពី​នាក់​ស្លាប់​ នៅ​កន្លែង​កើតហេតុ​។​

​បញ្ជាក់​ឈ្មោះ​ ម៉ា​ន​ ស៊េ​ន​ ភេទ​ប្រុស​ អាយុ​៥៣​ឆ្នាំ​ បាន​នៅ​ឆ្ងាយ​ពី​ដើមកា​ស្យា​ប្រហែល​៥​ម៉ែត្រ​ មិន​មាន​រង​របួស​នោះ​ទេ​។​

​ការ​សន្និដ្ឋាន​ ៖​ ជន​រង​គ្រោះ​ស្លាប់​ដោយសារ​ករណី​គ្រោះ​ធម្មជាតិ​ (​រន្ទះបាញ់​)​ ។​ បន្ទាប់​ពី​ពិនិត្យ​រួច​ សព​បាន​ប្រគល់​ជូន​ក្រុម​គ្រួសារ​ដើម្បី​យក​ទៅ​ធ្វើបុណ្យ​តាម​ប្រពៃណី​៕

មតិយោបល់