ភ្នំពេញៈ បុរសម្នាក់ស្រវឹងស្រា បើករថយន្តមួយគ្រឿង បោះយ៉ាងលឿនបានជ្រុល ទៅបុករថយន្តយីឌុបដឹកគោពេញ បណ្ដាលឲ្យរថយន្តខ្ទាតវិលមួយជុំ បុកចូលផ្ទះប្រជាពរដ្ឋ រងការខូចខាតយ៉ាងដំណំ សំណាងល្អមិនមានអ្នករបួស ។

ហេតុការណ៍នេះ កើតឡើងកាលវេលាម៉ោង១០និង៣០នាទីយប់ថ្ងៃចន្ទ ទី២៨ ខែមិថុនា ឆ្នាំ២០២១ ស្ថិតតាមបណ្ដោយផ្លូវ៥៩៨ ចំណុចជិតរង្វង់មូលកាំកូសុធី ក្នុងសង្កាត់ទឹកល្អក់១ខណ្ឌទួលគោក ។

យោងតាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសម្នាក់ស្រវឹងស្រា បើករថយន្តសេរីទំនើបម៉ាក FOREST ER X T ពណ៌ទឹកប្រាក់ ពាក់ស្លាកលេខភ្នំពេញ 2AO 7756 ធ្វើដំណើរទិសដៅពីត្បូងទៅជើង បោះពួយយ៉ាងលឿន ខណៈមកដល់ចំណុចកើតហេតុខាងលើ បានជ្រុលទៅបុករះរថយន្តយីឌុប ក្បាលពណ៌ក្រហម ពាក់ស្លាកលេខពោធិ៍សាត់ 3A 1446 បើកដោយបុរសម្នាក់ រួមដំណើរនិងព្រូធ្វើដំណើរបញ្ចា្រសគ្នាទិសដៅ ពីជើងទៅត្បូងដឹកគោពេញ បណ្ដាលឲ្យរថយន្តបង្កវិលមួយជុំ បុកចូលផ្ទះប្រជាពរដ្ឋ និងកិនកង់នៅក្រោមរថយន្តមួយគ្រឿង បណ្ដាលឲ្យរងការខូចខាតរថយន្តខ្ទេច ផ្នែកខាងមុខដាច់កង់ទៅមុខលែងរួច ។

ក្រោយកើតហេតុ សមត្ថកិច្ចបានចុះមកចំណុចកើតហេតុខាងលើ ដោយមិនបះពាល់សម្បត្តិរដ្ឋ បានឲ្យភាគីទាំងបីនាក់ធ្វើការដោះស្រាយគ្នា ដោយសន្តិវិធីខាងម្ចាស់រថយន្តបង្ក ព្រមសងសំណងការខូចខាតទាំងអស់ ដើម្បីបញ្ចប់រឿង ៕