ភ្នំពេញៈ នៅវេលាម៉ោង១២និង៤៤នាទីរសៀលថ្ងៃទី២៩ ខែមិថុនា ឆ្នាំ២០២១នេះ ករណីបុរសម្នាក់ដែលគេប្រទះឃើញដេកស្លាប់ នៅក្បែរម៉ូតូមួយគ្រឿង បានស្គាល់អត្តសញ្ញាណជនរងគ្រោះហើយ មានឈ្មោះ ផេង លាងហេង ភេទប្រុស អាយុ២១ឆ្នាំ និស្សិតផ្នែកសំណង់ រៀនចប់ហើយ ស្នាក់នៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។

សូមរំលឹកថា កាលពីវេលាម៉ោង១២និង៣០នាទីយប់រំលងអធ្រាត្រ ឈានចូលថ្ងៃទី២៩ ខែមិថុនា ឆ្នាំ២០២១ មានករណីបុរសម្នាក់ ត្រូវគេប្រទះឃើញដេកស្លាប់ នៅមុខផ្ទះប្រជាពលរដ្ឋ មានម៉ូតូមួយគ្រឿង ដែលបានដួលនៅក្បែរនោះ ស្ថិតតាមបណ្តោយផ្លូវបេតុង ក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ៕