កណ្ដាលៈ ថ្ងៃពុធ ៦រោច ខែបឋមាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៣០ ខែមិថុនា ឆ្នាំ២០២១ វេលាម៉ោង ៩និង២៦នាទីយប់
នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ១៩-២០ ស្ថិតក្នុងភូមិពោធិ៍មង្គល ឃុំព្រែកតាតាទែន ស្រុកពញាឮ ខេត្តកណ្តាល។

សភាពនៃរឿងហេតុ៖ នៅវេលា ថ្ងៃ ខែ ឆ្នាំ កើតហេតុខាងលើ មានម៉ូតូមួយគ្រឿងម៉ាក HONDA DREAM C125 ពណ៌ខ្មៅ ពាក់ផ្លាកលេខ បាត់ដំបង 1A-2064 អ្នកបើកបរមិនទាន់ស្គាល់អត្តសញ្ញាណ (មិនពាក់មួកសុវត្ថិភាព,ស្លាប់នៅកន្លែងកើតហេតុ)។ មានអ្នករួមដំណើរជាមួយម្នាក់មិនទាន់ស្គាល់អត្តសញ្ញាណ(មិនពាក់មួកសុវត្ថិភាព,ស្លាប់នៅកន្លែងកើតហេតុ) បើកបរមានទិសដៅពីត្បូង ទៅជើង(បើកបរមិនប្រកាន់ស្តាំ បញ្រ្ចាសទិសដៅចរាចរណ៍ ភ្នំពេញ-បាត់ដំបង) លុះពេលបើកបរមកដល់ចំណុចកើតហេតុខាងលើ បានបុកជាមួយរថយន្តមួយគ្រឿងម៉ាក HYUNDAI ពណ៌ស ពាក់ផ្លាកលេខ កំពង់ស្ពឺ 3A-3227 អ្នកបើកបរមិនស្គាល់អត្តសញ្ញាណ(រត់គេចខ្លួន) បើកបរមានទិសដៅពីជើង ទៅត្បូង(បាត់ដំបង-ភ្នំពេញ)។

ក្រោយពេលកើតហេតុកម្លាំងផ្នែកជំនាញ បានចុះទៅដល់កន្លែងកើតហេតុ បានធ្វើការគូសដៅវាស់វែងកន្លែងកើតហេតុ
ចំណែកសាកសពរង់ចាំក្រុមគ្រួសារមកទទួល ដើម្បីយកទៅធ្វើបុណ្យតាមប្រពៃណី រីឯមធ្យោបាយពាក់ព័ន្ធ ត្រូវបានកម្លាំងផ្នែកជំនាញយកមករក្សាទុកបណ្តោះអាសន្ន នៅប៉ុស្តិ៍នគរបាលរដ្ឋបាលព្រែកតាទែន ដើម្បីបន្តនីតិវិធី។

សេចក្តីសន្និដ្ឋាន៖ ករណីខាងលើនេះ បណ្តាលមកពីអ្នកបើកបរម៉ូតូ បើកបរមិនប្រកាន់ស្តាំ (បើកបរបញ្រ្ចាសទិសដៅចរាចរណ៍)៕