នារីបោកអ៊ុតម្នាក់ មានអាការៈមិនស្រួលខ្លួន ត្រូវមិត្តភក្ដិហៅកង់បីដឹកយកទៅមន្ទីរពេទ្យ ប៉ុន្តែអកុសលដាច់ខ្យល់ស្លាប់តាមផ្លូវ

ភ្នំពេញ: កាលពីវេលាម៉ោង ១២និង១៥នាទីរំលងអាធ្រាត្រ ឈានចូលថ្ងៃទី១២ ខែកក្កដា ឆ្នាំ២០២១ មានករណីនារីម្នាក់ស្លាប់លើកង់បី ខណ:បញ្ជូនទៅមន្ទីរពេទ្យ ស្ថិតនៅតាមបណ្តោយផ្លូវ៦២ ចំណុចជិតនិងផ្សារសាមផាន់ ក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។

ជនរងគ្រោះឈ្មោះ ប៉ៅ ស្រច ភេទស្រី អាយុ ២៣ឆ្នាំ មុខរបរ អ្នកបោកអ៊ុត មានស្រុកកំណើត នៅភូមិត្រាំខ្នា ឃុំត្បែក ស្រុកកំពង់ស្វាយ ខេត្តកំពង់ធំ។

ដំណើររឿង៖ ដំបូងឡើយដោយនារីរងគ្រោះខាងលើ មានអាការ:ស្លេកស្លាំង និងមិនស្រួលខ្លួន បន្ទាប់មកត្រូវបានមិត្តភ័ក្កិហៅកង់បីឲ្យមកដឹកយកនារីរងគ្រោះខាងលើ ទៅមន្ទីពេទ្យដើម្បីជួយសង្រ្គោះ ខណ:ពេលដឹកដល់ពាក់កណ្តាលផ្លូវ ដោយស្ថានភាពអាការ:ជំងឺធ្ងន់ធ្ងរពេក ស្រាប់តែដាច់ខ្យល់នៅលើកង់បីតែម្តង រួចម្ចាស់កង់បីក៏បានដឹកសពនារីរងគ្រោះខាងលើ ត្រឡប់មកផ្ទះវិញ និងរាយការណ៍ប្រាប់ទៅខាងសមត្ថកិច្ចមូលដ្ឋានឲ្យដឹងភ្លាមៗផងដែរ។

ក្រោយពេលកើតហេតុខាងលើសមត្ថកិច្ចមូលដ្ឋាន បានចុះមកដល់រួចពិនិត្យទៅលើសពជនរងគ្រោះ បញ្ជាក់ថា ស្លាប់ដោយសារតែមានជំងឺ ក៏ធ្វើកំណត់ហេតុប្រគល់សពឲ្យទៅក្រុមគ្រួសារយកទៅធ្វើបុណ្យនៅស្រុកកំណើតតាមប្រពៃណី៕

មតិយោបល់