បរទេស៖ ប្រទេសវៀតណាមបានប្រកាសពីការរកឃើញករណីឆ្លងជំងឺកូវីដ ១៩ ក្នុងសហគមន៍ចំនួន ៦៥៩ ករណីនៅក្នុងតំបន់ចំនួន ៩ ក្នុងរយ:ពេល ២៤ ម៉ោងចុងក្រោយ ដោយនាំឲ្យករណីឆ្លងសរុបឡើងដល់ ២៦,៩៣០ ករណី ។
ក្នុងចំណោមករណីឆ្លងថ្មីនេះ គ្រាន់តែទីក្រុងហូជីមិញ មានអ្នកឆ្លងរហូតដល់ទៅ ៥៤៤ ករណី ហើយ ក្នុងនោះ ៣៦៨ ករណីរកឃើញក្នុងតំបន់ធ្វើចត្តាឡីស័ក និងតំបន់បិទខ្ទប់ ខណ: ១៧៥ ករណីផ្សេងទៀត មិនមានប្រភពច្បាស់លាស់នៃការចម្លងឡើយ ។
កាលពីថ្ងៃទី ២៧ ខែមេសា នៅពេលរលកឆ្លងថ្មីចាប់ផ្តើមនៅក្នុងប្រទេសវៀតណាម ការឆ្លងត្រូវបានកត់ត្រានៅក្នុងទីក្រុង និងខេត្តចំនួន ៥៨ ក្នុងចំណោមទីក្រុង និងខេត្តទាំង ៦៣ របស់ប្រទេសវៀតណា ខណ:ទីក្រុងហូជីមិញ មានករណីឆ្លងច្រើនជាងគេគឺ ១៣,២០២ ករណី ។
គួរបញ្ជាក់ថា គិតត្រឹមថ្ងៃអាទិត្យ ប្រទេសវៀតណាមបានកត់ត្រាករណីឆ្លងជំងឺកូវីដ ១៩ ក្នុងសហគមន៍ចំនួន ១,៨៩៧ ក្នុងនោះ ១,៥៨៦ ជាករណីនៅក្នុងទីក្រុង ហូជីមិញ ៕
មតិយោបល់