ឃាត់ខ្លួនបុរសវ័យចំណាស់ម្នាក់ ពាក់ព័ន្ធករណី ទិញកុមារីពេស្យាចារមករួមភេទ

បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងអធិការដ្ឋាននគរបាលស្រុកកម្រៀង បានធ្វើការស្រាវជ្រាវ បង្ក្រាបករណីការទិញពេស្យាចារកុមារ ១ករណី ប្រព្រឹត្តិកាលពីថ្ងៃទី០៩ ខែកក្កដា ឆ្នាំ២០២១ នៅចំណុចក្រុមទី៣ ភូមិស្វាយវែង ឃុំកម្រៀង ស្រុកកម្រៀង ខេត្តបាត់ដំបង វេលាម៉ោង២២និង០០នាទី ។

លោកវរសេនីយ៍ទោ វេ គឹមចត់ អធិការនគរបាលស្រុកកម្រៀង បានរាយការណ៍ឲ្យដឹងថា ករណីទិញពេស្យាចារកុមារនេះ ប្រព្រឹត្តដោយជនសង្ស័យឈ្មោះ សំរិទ្ធ សុំ ភេទប្រុស អាយុ៤៩ឆ្នាំ រស់នៅភូមិស្វាយវែង ឃុំកម្រៀង ស្រុកកម្រៀង ខេត្តបាត់ដំបង មុខរបរ ជាងផលិតលូ បង់ ព្រះភូមិ ស៊ីម៉ងត៍ បានរួមភេទជាមួយកុមារីម្នាក់ឈ្មោះ ចំ លីដា ហៅ តឿ ភេទស្រី អាយុ ១៣ឆ្នាំ រស់នៅភូមិសំរោង ឃុំអូរដា ស្រុកកម្រៀង ខេត្តបាត់ដំបង ។ នៅថ្ងៃទី១៣ ខែកក្កដា ឆ្នាំ២០២១ វេលាម៉ោង១៤និង០០នាទី កម្លាំងជំនាញ បានធ្វើការសាកសួរ លើឈ្មោះ សំរិទ្ធ សុំ ភេទប្រុស អាយុ ៤៩ឆ្នាំ បានឆ្លើយសារភាពថា កាលពីថ្ងៃទី០៩ ខែកក្កដា ឆ្នាំ២០២១ វេលាម៉ោងប្រហែល២១និង០០នាទី ខ្លួននៅផ្ទះស្រាប់តែឃើញឈ្មោះ សុខ នៅ ភេទប្រុស អាយុ ៥៦ឆ្នាំ ឌុបក្មេងស្រីម្នាក់ឈ្មោះ ចំ លីដា (ជនរងគ្រោះ) អាយុ ១៣ឆ្នាំ ទៅដល់ផ្ទះរបស់ខ្លួន រួចជិះម៉ូតូត្រឡប់ទៅវិញបាត់ ខ្លួននឹកស្មានថាឈ្មោះ នៅ បាននិយាយជាមួយក្មេងស្រីត្រូវរ៉ូវហើយ លុះដល់ម៉ោងកើតហេតុខាងលើ ខ្លួនបានសុំឈ្មោះ ចំ លីដា ភេទស្រី ដេករួមភេទជាមួយ បានសម្រេច ចំនួនពីរលើក រួចឱ្យប្រាក់ទៅឈ្មោះ ចំ លីដា ភេទស្រី ចំនួន ៤០០បាត (បួនរយបាត) រួចខ្លួនបានជូនឈ្មោះ ចំ លីដា ភេទស្រីត្រឡប់ទៅផ្ទះវិញ ។

ករណីនេះ ដោយមានការអនុវត្តតាមបញ្ជាឯកឧត្តម កែវ សុជាតិ ព្រះរាជអាជ្ញាអមសាលាដំបូងខេត្ត កម្លាំងនគរបាលស្រុក បានធ្វើការឃាត់ខ្លួនជនសង្ស័យខាងលើ នៅថ្ងៃទី១៣ ខែកក្កដា ឆ្នាំ២០២១ វេលាម៉ោង១៥និង៥៣នាទី និងកំពុងកសាងសំណុំរឿង បញ្ជូនទៅការិយាល័យជំនាញ នៃស្នងការដ្ឋាននគរបាលខេត្ត ដើម្បីផ្តន្ទាទោសតាមច្បាប់ ៕

មតិយោបល់