រថយន្ត​ហ៊ីយ៉ាន់ដាយ ដាច់​ហ្វ្រាំង​ បុក​ជញ្ជាំង​ភ្នំ​ បណ្តាលឲ្យស្លាប់តៃកុង​ម្នាក់​

កោះកុង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​១៥​ ខែកក្កដា​ ឆ្នាំ​២០២១​ វេលា​ម៉ោង​ ០៣​និង​១០​នាទី​ លើ​ផ្លូវជាតិ​លេខ​ ៤៨​ ចន្លោះ​បង្គោល​ Km​ ៦០-៦១​ មាន​ករណី​គ្រោះថ្នាក់​ចរាចរណ៍​បើករថយន្ត​ធ្លាក់​កាវ​ផ្លូវ​ដោយ​ខ្លួនឯង​ បណ្តាល​ឲ្យ​មនុស្ស​ម្នាក់​ស្លាប់​ នៅ​ចំណុច​អន្ទង់អាំង​ធំ​ ស្ថិត​ក្នុងភូមិ​ជី​មា​ល​ ឃុំ​អណ្តូងទឹក​ ស្រុក​បូ​ទុម​សាគរ​ ខេត្តកោះកុង​ ។​

​រថយន្ត​បង្ក​ម៉ាក​ HYUNDAI​ កង់​ ១២​ រថយន្ត​បែន​ដឹក​ដី​ ពណ៌​ ស​ ពាក់​ស្លាក​លេខ​ភ្នំពេញ​ 3C​ 6113​ បើកបរ​ទិស​ដៅ​ពីរ​កំពង់ស្ពឺ​ ទៅ​ព្រែក​ខ្សាច់​ ស្រុក​គី​រី​សាគរ​ ធ្លាក់​កាវ​ផ្លូវ​ បុក​ជញ្ជាំង​ភ្នំ​ដោយ​ខ្លួនឯង​ បណ្តាល​ឲ្យ​ស្លាប់​អ្នកបើកបរម្នាក់ប្រុស​ និង​ខូចខាត​រថយន្ត​ធ្ងន់​។​

​មូលហេតុ​ ៖​ ដាច់​ហ្វ្រាំង​ ។

​អ្នកបើកបរ​ឈ្មោះ​ ខៀវ​ គា​ ភេទ​ប្រុស​ អាយុ​ ៣២​ ឆ្នាំ​ ជនជាតិ​ខ្មែរ​ មាន​ទីលំនៅ​ក្រុង​ច្បារមន​ ខេត្តកំពង់ស្ពឺ​ (​ស្លាប់​ ពេល​បញ្ជូន​ទៅ​មន្ទីរពេទ្យ​ខេត្តកំពង់ស្ពឺ​)​ ៕

មតិយោបល់