ព័ត៌មានជាតិ

រថយន្តបុកម៉ូតូពីក្រោយស្របទិសគ្នា ផ្ដាច់ជីវិតក្មេងប្រុសម្នាក់ភ្លាមៗ នៅកន្លែងកើតហេតុ

ព្រះសីហនុ: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា លោកឧត្តមសេនីយ៍ត្រីអ៊ី សុខា ស្នងការរងនគរបាលខេត្តព្រះសីហនុឲ្យដឹងថា វេលាម៉ោងជាង៥ល្ងាចនៅថ្ងៃទី​២៨​ ខែកក្កដា​​​ ឆ្នាំ២០២១​​​ លើផ្លូវជាតិលេខ​៤​ ត្រង់ចំណុច​ មុខ​សាលា​បឋមសិក្សា​ចម្ការកៅស៊ូ​ សង្កាត់លេខ​១​ ក្រុង​​ព្រះសីហនុ​ មានគ្រោះថ្នាក់ចរាចរណ៍មួយកើតឡើង​បង្កដោយ​ រថយន្ត​០១គ្រឿង​ម៉ាក​ MAZDA BT50 ពណ៌​ស​ ពាក់ផ្លាកលេខ​ រដ្ឋ25​ 2-0639​ អ្នកបើកបរ​ឈ្មោះ​ មិច​ ចាន់ធូ​ ភេទ​ ប្រុស​ អាយុ​៣៣ឆ្នាំ​ មុខរបរ​ កម្មករ​ចាំ​ចម្ការ​ មានទីលំនៅភូមិ​ប្រិយ៍ថ្មី​ សង្កាត់​ទឹកវិល​ ក្រុង/ខេត្ត​សៀមរាប​ មានអ្នករួមដំណើរម្នាក់​ មានទិសដៅពី​ ភ្នំពេញ​ ឆ្ពោះមក​ ខេត្ត​ព្រះសីហនុ​ លុះដល់ចំណុចខាងលើបានបុក​ពីខាងក្រោយ​ម៉ូតូ​ ០១គ្រឿង​ម៉ាក​ HONDA​ C125 ពណ៌​ ខ្មៅ​ ពាក់ផ្លាកលេខ​ ព្រះសីហនុ​1B-5864 អ្នកបើកបរ​ឈ្មោះ ងួន វាសនា ប្រុស អាយុ ១៣ឆ្នាំ នៅភូមិ១ សង្កាត់លេខ​១​ ក្រុង/​ខេត្ត​ព្រះសីហនុ​ ទិសដៅស្របគ្នាបណ្តាលឲ្យ​ឈ្មោះ ងួន វាសនា ភាគីខាងម៉ូតូស្លាប់​នៅនឹងកន្លែងកើតហេតុ​ បច្ចុប្បន្ន​សពត្រូវបានប្រគល់ជូនក្រុមគ្រួសារយកមកធ្វើបុណ្យតាមប្រពៃណី​យ៍ ។
ចំណែក​អ្នកបើកបរ​រថយន្ត នគរបាល​បាននាំ​ខ្លួន​មក​សាកសួរ​នៅ​ការិយាល័យ​នគរបាល​ចរាចរណ៍​ផ្លូវ​គោក​ រីឯវត្ថុតាង​ រថយន្ត​ និង​ម៉ូតូ​ បានយកមករក្សាទុកនៅ​ការិយាល័យនគរបាលចរាចរណ៍ផ្លូវគោក​ដោះស្រាយបន្ត៕

មតិយោបល់