-

ជនសង្ស័យ​ម្នាក់ខ្ចីម៉ូតូជនរងគ្រោះទៅទិញស៊ីម៉ងត៍ បែរយកទៅបញ្ចាំ​លេង​ល្បែង​ជល់មាន់តាម​អនឡាញ​

​កណ្ដាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃ​ ០៨កើត​ ខែ​ស្រាពណ៍ ឆ្នាំ​ ឆ្លូវ​ ត្រី​ស័ក​ ព.ស.២៥៦៥ ត្រូវនឹង​ថ្ងៃ​ទី១៦ សីហា​ ឆ្នាំ​២០២១វេលាម៉ោង ០៧និង០០នាទី មានករណីរំលោភ​លើ​ទំនុក​ចិត្ត ​(ខ្ចី​ម៉ូតូ​) នៅចំណុច​ភូមិ​ ជ័យ​ជំនះ​ ឃុំ​សៀមរាប​ ស្រុកកណ្តាល​ស្ទឹង​ ខេត្ត​កណ្តាល ​។

ជនរងគ្រោះ​ឈ្មោះ​ ហាស់​ ភ័ក្ត្រ​សុវណ្ណ​​ ភេទ​ប្រុស ​អាយុ​ ៣៧​ឆ្នាំ មានទីលំនៅ​ភូមិ​ ជ័យ​ជំនះ​ ឃុំ​ សៀមរាប​​ ស្រុក​ កណ្តាល​ស្ទឹង​ ខេត្ត​កណ្តាល​ ។ មុខរបរ​ មន្រ្ដី​រាជ​ការ​ ។ ជនសង្ស័យឈ្មោះ​ លន់​ វណ្ណ:​ ភេទប្រុស អាយុ​ ២៥​ឆ្នាំ​ ទីលំនៅភូមិ​ អូររំចេក ឃុំ​ ច្រនៀង ស្រុក​ បារាយ ខេត្ត​កំពង់​ធំ ​។ បច្ចុប្បន្ន​ស្នាក់​នៅ​ផ្ទះ​ជួល​ភូមិ​ រានថ្ម​ ឃុំ​ សៀមរាប​ ស្រុកកណ្តាល​ស្ទឹង​ ខេត្ត​កណ្តាល​ ។ មុខរបរ​មិនពិតប្រាកដ​(ឃាត់ខ្លួន​)

សម្ភារ:​បាត់​បង់​រួម​មាន​៖ –ម៉ូតូ​០១គ្រឿង​ម៉ាក​ HONDA​ ZOOMER X ស៊េរី​ឆ្នាំ​ ២០១៧​ ពណ៌​ ក្រហម​ ពាក់ស្លាកលេខ​ ភ្នំពេញ​1GD 5572 ។

​នៅ​ថ្ងៃ​ទី​១៦​ ខែ​ សីហា​ ឆ្នាំ​២០២១​ វេលា​ម៉ោង​ ០៧និង០០នាទី​ ជនសង្ស័យ​បាន​ទៅ​ធ្វើការ​សំណង់​នៅផ្ទះ​របស់ជនរងគ្រោះ​ ហើយ​បាន​ខ្ចី​ម៉ូតូ​របស់​ជនរងគ្រោះម៉ាក​ ZOOMER X ពណ៌ ក្រហម​ ស៊េរី​ឆ្នាំ​២០១៧​ ពាក់​ស្លាក​លេខ​ភ្នំពេញ​ 1GD 5572​ ដើម្បី​ទៅទិញ​ស៊ីម៉ងត៍​នៅផ្សារ​សៀមរាប​ ពេល​ជនសង្ស័យ​ខ្ចី​ម៉ូតូ​របស់​ជនរងគ្រោះ​បាន​ ជនសង្ស័យ​បាន​ជិះ​ម៉ូតូ​ទៅ​លេង​ល្បែង​ស៊ី​ជល់មាន់ (តាម​អនឡាញ​) នៅម្តុំ​ខាង​កើតរង្វង់មូល​កួរស្រូវ​ ស្ថិត​នៅ​សង្កាត់​ព្រែក​កំពឹស​ ខណ្ឌ​ដង្កោ​រាជធានី​ភ្នំពេញ​ ពេល​ទៅ​ដល់​ជនសង្ស័យ​បាន​លេង​ល្បែង​ស៊ី​ជល់មាន់ភ្នាល់ (​តាម​អនឡាញ​) ចាញ់​លុយ​អស់​​ជនសង្ស័យ ​បាន​យក​ម៉ូតូ​របស់​ជនរងគ្រោះ​ ទៅ​បញ្ចាំ​ឲ្យ​មនុស្ស​ប្រុស​ម្នាក់​ពុំស្គាល់​ឈ្មោះ​ នៅ​ សង្កាត់​ព្រែក​កំពឹស​ ខណ្ឌ​ដង្កោ​ រាជធានី​ភ្នំពេញ​ ក្នុង​តម្លៃ​ ១.០០០.០០០រៀល​ រួច​លេង​ល្បែង​ចាញ់​អស់​ហើយ​បាន​គេចខ្លួន​ លុះ​ដល់ថ្ងៃទី​១៨​ ខែ​ សីហា​ ឆ្នាំ​២០២១​ ជនរងគ្រោះ​បាន​ឃើញ​ជនសង្ស័យ​កំពុង​ឈនៅ​ចំណុច​ឃុំ​ជើងកើប​ ភ្លាម​នោះ​ជនរងគ្រោះ​បាន​តេ​ទូរស័ព្ទ​ប្តឹង​សមត្ថកិច្ច​ ប៉ុស្តិ៍​នគរបាល​រដ្ឋ​បាល​ឃុំ​ សៀមរាប​ ក្រោយ​ពី​ទទួល​បាន​ព័ត៌មាន​ភ្លាម ​កម្លាំង​ប៉ុស្តិ៍​នគរបាល​រដ្ឋ​បាល​ឃុំ​សៀមរាប ​បាន​ចុះទៅ​ធ្វើការ​ឃាត់ខ្លួន​ជនសង្ស័យ​ បញ្ជូន​មកកាន់​អធិការ​ដ្ឋាន​នគរបាល ​ស្រុកកណ្តាល​ស្ទឹង​ ដើម្បី​កសាង​សំណុំរឿងតាម​នីតិវិធី​ ៕

មតិយោបល់