ភ្នំពេញៈ រថយន្ត ធុនត្រាបេីកលឿនជាក់ហ្វ្រាំងមិនសុីគេចរថយន្តផ្សេងទៀតជ្រុលទៅបុកម៉ូតូចតចោលលេីចិញ្ចេីមផ្លូវសងថ្លៃខូចខាត៥០០ដុល្លារបញ្ចប់រឿង។ ហេតុការណ៍នេះ បានកើតឡើងកាលពីវេលាម៉ោង ៩និង១០នាទីព្រឹកថ្ងៃទី២៣ ខែសីហា ឆ្នាំ២០២១ ចំណុចក្បែរប៉ុស្តិ៍សន្តិសុខយាមតាមផ្លូវបុរីអង្គសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។

រថយន្តបង្កម៉ាក ធុនត្រា ពណ៌ស ពាក់ស្លាកលេខ ភ្នំពេញ 2AV-6024 បេីកដោយបុរសម្នាក់។
ម៉ូតូរងគ្រោះម៉ាក ស្មាស់វី ពណ៌ក្រហមលាយខ្មៅ ពាក់ស្លាកលេខ ភ្នំពេញ 1BJ-4052 ចតទុកចោលលេីចិញ្ចេីមផ្លូវដោយបុរសសន្តិសុខម្នាក់។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុម៉ូតូបានឈប់ចតចោលលេីចិញ្ចេីមផ្លូវ ដោយម្ចាស់បានចាកចេញពីម៉ូតូ ស្រាប់តែដល់វេលាម៉ោងកេីតហេតុ មានរថយន្តធុនត្រាខាងលេី បានបេីកក្នុងល្បឿនលឿន ខណៈមានរថយន្ត និងម៉ូតូជាច្រេីនគ្រឿងនៅខាងមុខតៃកុងបានជាន់ហ្វ្រាំងតែមិនសុីខ្លាចបុកគេក៏សម្រេចបួងចង្កួតមកស្តាំដៃជ្រុលទៅបុកម៉ូតូចតចោលបណ្តាលឱ្យខូចខាតយ៉ាងដំណំ។

ក្រោយពេលកេីតហេតុសមត្ថកិច្ចមូលដ្ឋាន បានចុះមកដល់ពិនិត្យមើលកន្លែងកើតហេតុ រួចឲ្យភាគីទាំងសងខាងសម្រួលគ្នាបញ្ចប់រឿងដោយភាគីរថយន្តចេញថ្លៃជួសជុលទៅភាគីម៉ូតូចំនួន ៥០០ដុល្លារ ដើម្បីបញ្ចប់រឿង៕