បង្ក្រាប​បទល្មើស​គ្រឿងញៀន​៣​ករណី​ ឃាត់ខ្លួន​ជនសង្ស័យ​១២​នាក់​ រួមទាំងវត្ថុតាង​១៣​កញ្ចប់​

​កំពង់ចាម:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បន្ទាប់​ពី​ទទួល​បាន​សេចក្តីរាយការណ៍​ពី​ប្រជាពលរដ្ឋ​ លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ ដោយ​បានការ​អនុញ្ញាត​សម្របសម្រួល​នីតិវិធី​ពី​លោក​ តូច​ ឧត្តម​ ព្រះរាជអាជ្ញា​រង​ នៃ​អយ្យការ​អម​សាលាដំបូង​ខេត្តកំពង់ចាម​ បាន​ចាត់​បញ្ជា​ឲ្យ​កម្លាំង​ជំនាញ​ការិយាល័យ​ប្រឆាំង​គ្រឿងញៀន​ខេត្ត​កំ​ពង់​ចាម​ រួម​ជាមួយ​កម្លាំង​ជំនាញ​ នៃ​អធិការដ្ឋាន​នគរបាល​ស្រុក​កំពង់សៀម​ អធិការដ្ឋាន​នគរបាល​ស្រុក​ស្ទឹង​ត្រង់​ និង​ក្រុង​កំពង់ចាម​ដឹកនាំ​ដោយ​លោក​ឧត្តមសេនីយ៍ត្រី​ ជីវ​ សេង​រស់​ ស្នងការ​រង​ ទទួល​ផែនការ​ងារ​ប្រឆាំង​គ្រឿងញៀន​ បាន​បើក​កិច្ច​ប្រតិបត្តិការ​ចុះ​បង្ក្រាប​ ករណី​ ជួញដូរ​ និង​ប្រើប្រាស់​ ដោយ​ខុសច្បាប់​នូវ​សារធាតុ​ញៀន​ ចំនួន​ ០៣​ករណី​ ឃាត់ខ្លួន​ជនសង្ស័យ​បាន​ចំនួន​១២​នាក់​ស្រី​០៣​នាក់​ ។​

​ដកហូត​វត្ថុ​តាង​រួម​មាន​៖​ ម្សៅ​ក្រាម​ពណ៌​ស​សង្ស័យ​ជា​ថ្នាំ​ញៀន​ចំនួន​១៣​កញ្ចប់​ (​ធំ​ ០៣​កញ្ចប់​)​ ,​ទូរស័ព្ទ​ដៃ​ចំនួន​ ០៩​គ្រឿង​ ម៉ូតូ​ចំនួន​ ០៦​គ្រឿង​ ថង់​វេច​ខ្ចប់​មួយ​ចំនួន​ ជញ្ជីង​អេ​ឡិច​ត្រូ​ន​ឲ​ច​ចំនួន​០១​គ្រឿង​ និង​ប្រាក់​ញុះញង់​៥០.០០០​រៀល​ ។​

​ជនសង្ស័យ​ទាំង​១២​នាក់​ខាងលើ​ បាន​ធ្វើតេស្ត​លើ​សំណាក​រក​វីរុស​កូ​វី​ដ​-១៩​ ជា​លទ្ធផល​ អវិជ្ជមាន​ ទាំងអស់​ ។​

​បច្ចុប្បន្ន​ កម្លាំង​ការិយាល័យ​ជំនាញ ​បាន​កសាង​សំណុំរឿង ​បញ្ជូន​អនុវត្ត​បន្ត​តាម​នីតិវិធី​ ៕

មតិយោបល់