ព័ត៌មានជាតិ

បុរសម្នាក់ធ្វើសកម្មភាព រំលោភសេពសន្ថវៈ ទៅលើកុមារីអាយុ១១ឆ្នាំម្នាក់ ត្រូវសមត្ថកិច្ចឃាត់ខ្លួន

​ពោធិ៍សាត់:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា សមត្ថកិច្ច​ប៉ុស្តិ៍​នគរបាល​រដ្ឋបាល​ព្រ​ងិ​ល​ បាន​ទទួល​ពាក្យបណ្ដឹង​ស្ត្រី​ឈ្មោះ​ សាន្ត​ គឹ​ម​ហេង​ ភេទ​ស្រី​ អាយុ​៤២​ឆ្នាំ​ រស់នៅ​ភូមិ​ស្វាយប៉ាក​ ឃុំ​ព្រ​ងិ​ល​ ស្រុក​ភ្នំក្រវាញ​ បាន​ប្ដឹង​ឈ្មោះ​ ណុ​ប​ ភារ​ម្យ​ ភេទ​ប្រុស​ អាយុ​៥៩​ឆ្នាំ​ រស់នៅ​ភូមិ​ឃុំ​ខាងលើ​ថា​ បាន​ប្រព្រឹត្ត​អំពើ​រំលោភ​សេពសន្ថវ:​ទៅ​លើ​កូនស្រី​របស់​គាត់​ឈ្មោះ​ ស​.​គល​ អាយុ​១១​ឆ្នាំ​ កាលពី​ថ្ងៃ​ទី​១០​ ខែកញ្ញា​ ឆ្នាំ​២០២១​វេលា​ម៉ោង​៣​និង​៣០​នាទី​រសៀល​ នៅ​ចំណុច​តូប​លក់​អីវ៉ាន់​ចាប់ហួយ​របស់​ជនសង្ស័យ​ ស្ថិត​នៅ​ភូមិ​ស្វាយប៉ាក​ ឃុំ​ព្រ​ងិ​ល​ ស្រុក​ភ្នំក្រវាញ​ ខេត្តពោធិ៍សាត់​ ។​

​នគរបាល​ស្រុក​ភ្នំក្រវាញ​ បាន​ឲ្យ​ដឹង​ថា​ ក្រោយ​ពី​ទទួល​បាន​ពាក្យបណ្ដឹង​ សមត្ថកិច្ច​បាន​ចុះ​ឃាត់ខ្លួន​ជនសង្ស័យ​ នាំ​មក​អធិការដ្ឋាន​នគរបាល​ស្រុក​ ។​

​នៅ​ចំពោះ​មុខ​សមត្ថកិច្ច​បាន​ឲ្យ​ដឹង​ថា​ ខ្លួន​បាន​អូស​ដៃ​កុមារី​រង​គ្រោះ​ចូល​ទៅ​ក្នុង​តូប​របស់​ខ្លួន​ ធ្វើ​សកម្មភាព​រំលោភ​សេពសន្ថវ:​រហូត​បាន​សម្រេច​ រួច​ឲ្យ​នាង​ត្រឡប់​ទៅ​ផ្ទះ​វិញ​ ហាម​ មិន​ឲ្យ​និយាយ​ប្រាប់​គេឯង​ ប៉ុន្តែ​មក​ដល់​ផ្ទះ​ក្មេង​ស្រី​រង​គ្រោះ​ បាន​និយាយ​រឿង​នេះ​ប្រាប់​ម្តាយ​ ។​

​បច្ចុប្បន្ន​ ជនសង្ស័យ​ត្រូវ​បាន​ឃាត់ខ្លួន ​នៅ​អធិការដ្ឋាន​នគរបាល​ស្រុក​ភ្នំក្រវាញ​ តាម​បញ្ជា​របស់​ឯកឧត្តម​ កូយ​ កាន់​យ៉ា​ ព្រះរាជអាជ្ញា​អម​សាលាដំបូង​ខេត្តពោធិ៍សាត់​ ដើម្បី​កសាង​សំណុំរឿង​ចាត់ការ​តាម​នីតិវិធី​ ៕

មតិយោបល់