កំពង់ស្ពឺៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ករណីគ្រោះថ្នាក់ចរាចរណ៍ រវាងរថយន្ត ម៉ាក HYUNDAI និងម៉ូតូ បណ្តាលឲ្យមនុស្សម្នាក់ស្លាប់ និងរបួសធ្ងន់ម្នាក់ នៅថ្ងៃទី១៦ ខែតុលា ឆ្នាំ២០២១ វេលាម៉ោង០៩និង២០នាទី នៅលើផ្លូវលេខ៥៣ ក្រាលកៅស៊ូ ចន្លោះគីឡូម៉ែត្រ លេខ៥៥-៥៦ ។
ជនរងគ្រោះអ្នកបើកបរម៉ូតូ៖ ១.ឈ្មោះ ម៉ៅ សូយ ភេទស្រី អាយុ ៣០ឆ្នាំ របួសធ្ងន់ ។ ២.ឈ្មោះ ផល វណ្ណលៀង ភេទប្រុស អាយុ៧ឆ្នាំ ស្លាប់នៅកន្លែងកើតហេតុ ត្រូវជាកូនរបស់ឈ្មោះ ម៉ៅ សូយ ។ ៣.អ្នកបើកបររថយន្តឈ្មោះ ឃឿន ឃុយ ភេទប្រុស អាយុ២៤ឆ្នាំ បានឃាត់ខ្លួននៅកន្លែងកើតហេតុ ។
ក្រោយពីកម្លាំងជំនាញធ្វើការវាស់វែងរួច អ្នកបើកបររថយន្តត្រូវបានកសាងសំណុំរឿង បញ្ជូនទៅការិយាល័យជំនាញនៃ ស្នងការដ្ឋាននគរបាលខេត្ត ដើម្បីបន្តនិតិវិធី ។ ចំពោះម៉ូតូ និង រថយន្តយកមករក្សាទុក នៅអធិការដ្ឋាននគរបាលស្រុកទឹកផុស ៕
មតិយោបល់