ភ្នំពេញៈ កម្លាំងនគរបាលប៉ុស្តិ៍បានល្បាត សហការប៉ុស្តិ៍ក្រុមទី១ របស់អធិការដ្ឋាននគរបាលខណ្ឌទួលគោក មានផ្នែកនគរបាលយុត្តិធម៌ប៉ុស្តិ៍រដ្ឋបាលបឹងកក់ទី១ និងបឹងកក់ទី២ បានចុះប្រតិបត្តិការនៅចំណុចផ្លូវរថភ្លើង ក្រុមទី៥៤ ភូមិ១៤ សង្កាត់ បឹងកក់ទី១ ខណ្ឌទួលគោក រាជធានីភ្នំពេញ ឃាត់ខ្លួនជនសង្ស័យ១នាក់ជាក់ស្តែង កំពុងចែកចាយគ្រឿងញៀនកាលពីម៉ោង៨និង៣០នាទីថ្ងៃទី១៧ ខែសីហា ឆ្នាំ២០១៦។

ជនសង្ស័យឈ្មោះ ជា គឹមណៃអៀង ហៅ អាម៉ាប់ម៉ូតូឌុប មុខរបរ ពុំពិតប្រាកដ ស្នាក់នៅផ្ទះជួល ផ្លូវរថភ្លើង សង្កាត់បឹងកក់ទី១ ខណ្ឌទួលគោក ។ វត្ថុតាងដែលបានចាប់យក ៖ -ក្រាមពណ៌សថ្លា (ម៉ាទឹកកក) ចំនួន០៥កញ្ចប់តូច -កូនពិលពណ៌លឿងទុំ០១គ្រឿង -លុយចំនួន ២៧.៤០០៛ (ពីរម៉ឺនប្រាំពីរពាន់បួនរយរៀល)។

បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕