កំពង់ឆ្នាំងៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅយប់ថៃ្ងព្រហស្បតិ៍ ១៤រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០៤ ខែវិច្ឆិកា ឆ្នាំ២០២១ វេលាម៉ោង ២០និង០០នាទីនៅ ផ្លូវជាតិលេខប្រាំ ត្រង់ចំណុចចន្លោះគីឡូម៉ែត្រលេខ ៨៩-៩០ ស្ថិតនៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង មានករណីគ្រោះថ្នាក់ចរាចរណ៍មួយកើតឡើងរវាងរថយន្តម៉ាក FUSO ពណ៌ស ពាក់ផ្លាកលេខ ភ្នំពេញ 3A-0624. សឺមីរ៉ឺម៉ក ពណ៌ស ពាក់ផ្លាកលេខ ព្រះសីហនុ 4A-1944 បើកបរដោយឈ្មោះ មាន ចន្ថា ភេទប្រុស អាយុ២៨ឆ្នាំ មានទីលំនៅបច្ចុប្បន្ន ភូមិខ្មឹង ឃុំអូរសណ្តាន់ ស្រុកក្រគរ ខេត្តពោធិ៍សាត់ (ឃាត់ខ្លួននៅកន្លែងកើតហេតុ) បើកបរពីទិសខាងត្បូង ទៅទិសខាងជើង ។
លុះពេលបើកបរមកដល់ចំណុចខាងលើ ក៏បានបុកជាមួយម៉ូតូ០១គ្រឿងម៉ាក HONDA C125 ពណ៌ ខ្មៅ ពាក់ផ្លាកលេខ ភ្នំពេញ 1FM-3907 បើកបរដោយឈ្មោះ ញិល រដ្ឋា ភេទប្រុស អាយុ២១ឆ្នាំ ជនជាតិខ្មែរ រស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង បើកបរចេញ ពីទិសខាងជើងទៅទិសខាងត្បូង ក្នុងដំណើរច្រាស់ទិសគ្នា បណ្តាលអោយស្លាប់មនុស្សម្នាក់ ប្រុស (អ្នកបើកបរម៉ូតូ) ក្រោយពេលដឹកទៅសង្គ្រោះបន្ទាន់នៅមន្ទីរពេទ្យ ។
ក្រោយពីកម្លាំជំនាញធ្វើការវាស់វែងរួចវត្ថុតាង ត្រូវបានចាប់យកមករក្សាទុក នៅអធិការដ្ឋាននគរបាលក្រុងកំពង់ឆ្នាំង ។
ឃាត់ខ្លួនអ្នកបើកបររថយន្ដ ឈ្មោះ មាន ចន្ថា កសាងសំណុំរឿង ចាត់ការទៅតាមនីតិវិធីច្បាប់ ៕
មតិយោបល់