-

ឆ្លងចរន្តអគ្គិសនី​ឆេះតូបអាជីវករក្នុងផ្សារកំពង់ថ្ម បណ្តាលឲ្យខូចខាតចំនួន០៨តូប នៅខេត្តកំពង់ធំ

កំពង់ធំ: នៅថ្ងៃទី១៤ ខែវិច្ឆិកា ឆ្នាំ២០២១ វេលាម៉ោង០២និង៣៥នាទីយប់ សិ្ថតនៅចំណុចផ្សារកំពង់ថ្ម ភូមិត្រាស់ ឃុំបល្ល័ង្ក ស្រុកបារាយណ៍ ខេត្តកំពង់ធំ មានករណីអគ្គិភ័យ កើតឡើង០១លើក បណ្ដាលឲ្យឆេះតូបលក់អីវ៉ាន់ សរុបចំនួន០៨តូប បណ្តាលឲ្យ រងការខូចខាតមានដូចខាងក្រោមនេះ៖

១.តូបម្ចាស់ឈ្មោះ ឃី ម៉េងឃៀង ភេទប្រុស អាយុ៤២ឆ្នាំ ទីលំនៅបច្ចុប្បន្ន ភូមិព្រៃតាត្រាវ ឃុំបល្ល័ង្ក ស្រុកបារាយណ៍ ឆេះតូបចំនួន ០២តូប ទំហំ៦មx៤ម ធ្វើអំពីដែកប្រក់ស័ង្កសី ជញ្ជាំងស័ង្កសី ខូចខាតសម្ភារ:រួមមាន: -គ្រឿងបន្លាស់រថយន្ត អស់ទាំងស្រុង (ទាំង២ តូប) ។ ២.តូបកាត់សក់ម្ចាស់ឈ្មោះ គង់ ភេទប្រុស អាយុ៦៣ឆ្នាំ ទីលំនៅបច្ចុប្បន្ន ភូមិបន្ទាយយមរាជ ឃុំប្រាសាទ ស្រុកសន្ទុក ទំហំ ៣ម x ៤ម ខូចខាតសម្ភារ:កាត់សក់មួយចំនួន ។ ៣.តូបលក់គ្រឿងអគ្គិសនី ម្ចាស់ឈ្មោះ ស៊ុយ គឹមលាង ភេទប្រុស អាយុ៤៩ឆ្នាំ ទីលំនៅបច្ចុប្បន្ន ភូមិត្រស់ឃុំ បល្ល័ង្ក ស្រុក បារាយណ៍ ឆេះតូប០១ខ្នងទំហំ ៣ម x ៤ម ធ្វើអំពីដែកប្រក់ស័ង្កសី ជញ្ជាំងស័ង្កសី ខូចខាត សម្ភារ:រួមមានគ្រឿង អគ្គិសនីមួយចំនួន ។ ៤.តូបលក់គ្រឿងបន្លាស់រថយន្ត ម្ចាស់ឈ្មោះ ឃឿង ធា ភេទប្រុស អាយុ៥១ឆ្នាំ មានទីលំ នៅបច្ចុប្បន្ន ភូមិត្រាស់ ឃុំបល្ល័ង្ក ស្រុកបារាយណ៍ ឆេះតូបចំនួន០១តូប ទំហំ៣ម x ៤ម ធ្វើអំពីដែកប្រក់ស័ង្កសី ជញ្ជាំងស័ង្កសីខូចខាត សម្ភារ:គ្រឿងបន្លាស់រថយន្តអស់ទាំងស្រុង ។ ៥.តូបលក់នាឡិកាម្ចាស់ឈ្មោះ ណា លី ភេទប្រុស អាយុ៥០ឆ្នាំ មានទីលំនៅបច្ចុប្បន្ន ភូមិធន់មោង ឃុំកំពង់ថ្ម ស្រុកសន្ទុក ឆេះតូបចំនួន០២តូប ទំហំ៦ម x ៤ម ធ្វើអំដែកប្រក់សង្ក័សី ជញ្ជាំងស័ង្កសី ខូចខាតសម្ភារ:គ្រឿង បន្លាស់នាឡិកា និងនាឡិកាមួយចំនួន ។ ៦.តូបលក់គ្រឿងបន្លាស់រថយន្តម្ចាស់ឈ្មោះ ឃី កែវរ៉ាវិន ភេទប្រុស អាយុ៥៣ឆ្នាំ មានទីលំ នៅបច្ចុប្បន្ន ភូមិត្រាស់ ឃុំបល្ល័ង្ក ស្រុកបារាយណ៍ ឆេះតូបចំនួន០១តូប ទំហំ៣ម x ៤ម ធ្វើអំពីដែកប្រក់ស័ង្កសី ជញ្ជាំងស័ង្កសីខូចខាត សម្ភារ: គ្រឿងបន្លាស់រថយន្តអស់ទាំងស្រុង ។

មូលហេតុ៖ បណ្តាលមកពីការឆ្លងចរន្តអគ្គិសនី ។

ករណីអគ្គិភ័យខាងលើនេះ កម្លាំងសមត្ថកិច្ចនគរបាល ចេញរថយន្តពន្លត់អគ្គិភ័យ អន្តរាគមន៍សរុបចំនួន០៦គ្រឿង៖
១.រថយន្តអគ្គិភ័យរបស់ស្នងការដ្ឋាននគរបាលខេត្តចំនួន០៣គ្រឿងប្រើប្រាស់ទឹកអស់ចំនួន០២រថយន្តស្មើនឹង១០,៥ម៉ែត្រគុប
២.រថយន្តអគ្គិភ័យរបស់អធិការដ្ឋាននគរបាលស្រុកបារាយណ៍ចំនួន០២គ្រឿងប្រើប្រាស់អស់២រថយន្តស្មើនឹង៦.៥ម៉ែត្រគុប
៣.រថយន្តអគ្កិភ័យរបស់អធិការដ្ឋាននគរបាលស្រុកសន្ទុកចំនួន០១គ្រឿងប្រើប្រាស់ទឹកអស់ចំនួន១រថយន្តស្មើនិង៤ម៉ែត្រគុប ។
សរុបប្រើប្រាស់ទឹកអស់ចំនួន២១ម៉ែត្រគុប ៕

មតិយោបល់