ព័ត៌មានជាតិ

យុវជនម្នាក់បើកម៉ូតូលឿន​កៀរ​អ្នក​ដើរឆ្លងផ្លូវ​ បណ្តាលឲ្យ​ស្ត្រី​ម្នាក់ដួលបែកក្បាល​​របួសធ្ងន់​

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​១២​ ខែវិច្ឆិកា​ ឆ្នាំ​២០២១​ វេលា​ម៉ោង​១៦​និង​៣០​នាទី​ នៅ​លើ​ផ្លូវ​លេខ​៥៧B1​ ត្រង់​ចំណុច​ក្រុម​ទី​០២​ ភូមិ​សួន​ស្លា​ ឃុំ​ក្តុល​តា​ហែ​ន​ ស្រុក​ប​វេ​ល​ មាន​ករណី​គ្រោះថ្នាក់​ចរាចរណ៍​មួយ​កើតឡើង​រវាង​ម៉ូតូ​និង​ថ្មើរជើង​ បណ្តាល​ឲ្យ​ស្ត្រី​ម្នាក់​រង​របួស​ធ្ងន់ធ្ងរ ​។​

​លោក​វរសេនីយ៍ឯក​ សុខ​ សា​រិ​ន​ អធិការ​នគរបាល​ស្រុក​ប​វេ​ល​ បាន​រាយការណ៍​ ឲ្យ​ដឹង​ថា​ គ្រោះថ្នាក់​ចរាចរណ៍​ នេះ​បង្ក​ឡើង​ម៉ូតូ​ ១​គ្រឿង​ ម៉ាក​ហុងដា​ទ្រី​ម​ ធុន​សេ​១២៥​ ព​ណ៌​ខ្មៅ​ ពាក់​ផ្លា​ក​លេខ​ 1P-1510​ បាត់ដំបង​ បើកបរ​ដោយ​ ឈ្មោះ​ វ៉ា​ន់​ រ៉ា​វី​ ភេទ​ប្រុស​ អាយុ​១៨​ឆ្នាំ​ មាន​ទីលំនៅ​ភូមិ​បឹង​អន្លក់​ ឃុំ​ក្ដុល​តា​ហែ​ន​ ស្រុក​ប​វេ​ល​ បើកបរ​ក្នុង​ទិស​ដៅ​ពី​កើត​ទៅ​លិច ​ដល់​ចំណុច​កើតហេតុ​ បាន​កៀរ​បណ្ដាល​ឲ្យ​អ្នក​ថ្មើរជើង​​ដួល​ ជន​រង​គ្រោះ​ឈ្មោះ​ កែវ​ ផ​ល្លិ​កា​ ភេទ​ស្រី​ អាយុ​៣៦​ឆ្នាំ​ ទីលំនៅ​ក្រុម​ទី​០២​ ភូមិ​សួន​ស្លា​ ឃុំ​ក្តុល​តា​ហែ​ន​ ស្រុក​ប​វេ​ល​ ខេត្តបាត់ដំបង​ (​របួសធ្ងន់​បែក​ល្បា​ល​ផ្នែក​ខាងស្ដាំ​)​ បាន​ឆ្លងផ្លូវ​ពី​ជើង​ទៅ​ត្បូង ​។​

​ក្រោយ​កម្លាំង​នគរបាល​ស្រុក ​ចុះ​ធ្វើការ​ត្រួតពិនិត្យ​ឃើញ​ថា​ ករណី​នេះ​ គឺ​បណ្តាល​មក​ពី​អ្នក​ថ្មើរជើង​ឆ្លងផ្លូវ​ប្តូរ​ទិស​ខ្វះ​ការ​ប្រុង​ប្រយ័ត្ន​ រីឯ​ម៉ូតូ​បើកបរ​ក្នុង​ល្បឿន​លឿន​ (​គ្មាន​ពាក់មួក​សុវត្ថិភាព​) ​។​

​សមត្ថកិច្ច​បាន​ដឹក​អ្នក​របួស ​បញ្ជូន​ទៅ​មន្ទីរពេទ្យ​បង្អែក ​ស្រុក​ប​វេ​ល​ ចំណែកឯ​វត្ថុ​តាង​យក​មក​រក្សា​ទុក ​នៅ​អធិការដ្ឋាន​គ​របាល​ស្រុក​រង់ចាំ​ដំណោះស្រាយ​តាម​ផ្លូវច្បាប់ ​៕

មតិយោបល់