បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងអធិការនគរបាលស្រុកសង្កែ ឃាត់ខ្លួនបុរសម្នាក់ ប្រើពូថៅកាប់ទៅលើយុវជនម្នាក់ បណ្តាលឲ្យរងរបួស ស្ថិតនៅត្រង់ចំណុចក្រុមទី១៥ ភូមិអូរដំបង ឃុំអូរដំបង២ ស្រុកសង្កែ ខេត្ដបាត់ដំបង ។ ធ្វើការឃាត់ខ្លួន កាលពីនៅថ្ងៃទី១៤ ខែវិច្ឆិកា ឆ្នាំ២០២១ វេលាម៉ោង០៨និង០០នាទី ។
យោងតាមរបាយការណ៍របស់នគរបាលស្រុកសង្កែ បានឲ្យដឹងថា បានធ្វើការបង្ក្រាបឃាត់ខ្លួន ករណីហិង្សាដោយចេតនាទម្ងន់ទោស មួយកើតឡើងបង្កដោយជនសង្ស័យម្នាក់ឈ្មោះ សឿត វិសាល ភេទប្រុស អាយុ៣៤ឆ្នាំ មានទីលំនៅភូមិអូដំបង ឃុំអូរដំបង២ ស្រុកសង្កែ ខេត្តបាត់ដំបង ។ ជនដៃដល់បានធ្វើសកម្មភាពយកពូថៅកាប់ទៅលើជនរងគ្រោះម្នាក់ឈ្មោះ គីរី ប្រណី ភេទប្រុស អាយុ ២៩ឆ្នាំ មានទីលំនៅក្រុមទី១៥ ភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង បណ្តាលឲ្យចំក្បាលខាងក្រោយផ្នែកខាងស្តាំបែកចេញឈាម ។ តាមការបញ្ជាក់ពីសមត្ថកិច្ចបានឲ្យដឹងមូលហេតុដែលឈានដល់ការបង្កហិង្សានេះគឺជនសង្ស័យនិងជនរងគ្រោះមានជម្លោះនិងគំនុំនឹងគ្នា ។
បច្ចុប្បន្ន ជនសង្ស័យ ត្រូវបានកម្លាំងអធិការដ្ឋាននគរបាលស្រុក កសាងសំណុំរឿងបញ្ជូនទៅ ការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់ ៕
មតិយោបល់