ព័ត៌មានជាតិ

ដួលស្លាប់ក្នុងទឹកស្រែ ពេលកំពុងរកកូនក្អាត់យកមកដាក់បង្កៃ

សៀមរាប: សាកសព​បុរស​ម្នាក់​ ត្រូវ​បាន​កម្មករ​សំណង់​ប្រទះឃើញ​និង​បាន​ប្រាប់​ប្រជា​ពលរដ្ឋនៅក្នុង​ភូមិ​​ ហើយរាយការណ៍​ជូន​សមត្ថកិច្ច​នគរបាល​ស្រុក​ប្រាសាទបាគង ​ឲ្យ​​ចុះទៅពិនិត្យ​សាកសព​នៅ​កន្លែង​កើត​ហេតុ​ភ្លាមៗ កាលពីវេលា​ម៉ោង​១០និង​៣០​នាទី ​ថ្ងៃទី​១ ខែវិច្ឆិកា ឆ្នាំ​២០១៦ ​ត្រង់ចំណុចក្នុង​ភូមិ​ស្ពាន​ក្អែក ឃុំ​ក​ណ្ដែ​ក​ ស្រុក​ប្រាសាទបាគង​ ខេត្តសៀមរាប​។

សមត្ថកិច្ចបានឲ្យដឹងថា ​ជនរងគ្រោះ​មានឈ្មោះ នឹង នាង អាយុ​៣១​ឆ្នាំ​ រស់នៅ​ភូមិ​អូ ឃុំ​ក​ណ្ដែ​ក ស្រុក​ប្រាសាទបាគង ខេត្តសៀមរាប ​បាន​ទៅ​រក​ចាប់​កូន​ក្អាត់​យក​មក​បង្កៃ​តែម្នាក់ឯង ស្រាប់តែ​ស្លាប់​នៅ​វាលស្រែ ដោយ​សភាព​ផ្កាប់មុខ​ទៅ​ក្នុងទឹក​។

បើ​តាម​ការពិនិត្យ​សាកសព​របស់​សមត្ថកិច្ច​នគរបាល​ បាន​សន្និដ្ឋាន ថាជនរងគ្រោះ​ប្រហែល​កើត​ខ្យល់​វិលមុខ​ដួល​ផ្កាប់មុខ​ទៅក្នុង​ទឹក ​ដោយ​មិន​មាន​អ្នកណា​ដឹង ​ទើប​បណ្ដាល​ឲ្យ​ស្លាប់។ នៅលើ​រូបរាងកាយ​ជនរងគ្រោះ​ពុំ​មាន​ស្លាកស្នាម​អ្វី​គួរ​ឲ្យ​សមត្ថកិច្ច​នគរបាល​​កត់​សម្គាល់ថាជា​អំពើ​ឃាតកម្ម​នោះទេ​។

បច្ចុប្បន្ន​ សព​ត្រូវ​បាន​ក្រុមគ្រួសារ​រៀបចំ​ធ្វើបុណ្យ​តាម​ប្រពៃណី​រួចរាល់​៕

ដួលស្លាប់ក្នុងទឹកស្រែ

ដួលស្លាប់ក្នុងទឹកស្រែ

មតិយោបល់