ភ្នំពេញៈ គ្រោះថ្នាក់ចរាចរណ៍មួយដែល រថយន្តដឹកឥដ្ឋបែកកង់ រេចង្កូតបុកទ្រូងពុះចែកទ្រូងផ្លូវ បណ្ដាលឱ្យរងការខូចខាត ទៅមុខលែងរួច ហេតុការណ៍នេះ បង្កការភ្ញាក់ផ្អើលកាលពីវេលាម៉ោង០៧ និង៣០ នាទីព្រឹកថ្ងៃទី១៦ ខែវិច្ឆិកា ឆ្នាំ២០២១ ទីតាំងកន្លែងកើតហេតុ ស្ថិតនៅតាមបណ្ដោយផ្លូវហាណូយ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។

តាមប្រភពព័ត៌មាន នៅទីតាំងកន្លែងកើតហេតុ បានឲ្យដឹងថា មុនដំបូងគេបានឃើញរថយន្តកូរ៉េដឹកឥដ្ឋខាងលើ ពាក់ស្លាកលេខភ្នំពេញ 3D-5490 បានធ្វើដំណើរក្នុងទិសដៅពីជើងទៅត្បូង រហូតមកដល់ចំណុចកើតហេតុ ស្រាប់តែបែកកង់រេចង្កូត ទៅបុកសួនពុះចែកទ្រូងផ្លូវ បណ្ដាលឱ្យរងការខូចខាត និងទៅមុខលែងរួចតែម្ដង ។

ក្រោយពេលកើតហេតុ សមត្ថកិច្ចជំនាញចរាចរណ៍ នៃអធិការដ្ឋាននគរបាលខណ្ឌសែនសុខ បានចុះដល់ទីតាំងកន្លែងកើតហេតុ ដើម្បីធ្វើការវាស់វែងយកទៅរក្សាទុក ដើម្បីរង់ចាំការដោះស្រាយ តាមនីតិវិធីផ្លូវច្បាប់នៅពេលក្រោយ ៕