ភ្នំពេញៈ (ព័ត៌មានបឋម) នៅវេលាម៉ោង១១ និង២០ នាទីព្រឹកថ្ងៃទី២២ ខែវិច្ឆិកា ឆ្នាំ២០២១ មានករណីគ្រោះថ្នាក់ចរាចរណ៍ មួយបានកើតឡើង រថយន្តកាម៉ារីបាឡែន បុកគូទរថយន្តហាយឡែនឌ័រ បណ្តាលឲ្យរងការខូចខាតយ៉ាងដំណំ ទាំងសងខាង បង្កឲ្យមានបការភ្ញាក់ផ្អើល ទីតាំងស្ថិតតាមបណ្តោយផ្លូវកម្ពុជាក្រោម ក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។

មូលហេតុ៖ មិនទាន់ដឹងច្បាស់នោះទេ ។ ក្រោយពេលកើតហេតុ កម្លាំងសមត្ថកិច្ចនៅក្នុងមូលដ្ឋានបានចុះទៅពិនិត្យ តាមនីតិវិធី ។ បន្ទាប់មកបានឲ្យភាគីទាំងពីរ ធ្វើការសម្របសម្រួលគ្នា ដើម្បីដោះស្រាយបញ្ចប់បញ្ហានៅកន្លែងកើងហេតុ ។ បើមិនត្រូវគ្នានោះទេ កម្លាំងសមត្ថកិច្ចជំនាញចរាចរណ៍ នឹងវាស់វែងយកវត្ថុតាងទាំងពីរគ្រឿង ទៅរក្សាទុកជាបណ្តោះអាសន្ន ដើម្បីរង់ចាំធ្វើការដោះ ស្រាយគ្នា នៅពេលក្រោយបន្តទៀត តាមនីតិវិធីផ្លូវច្បាប់ ។

សូមបញ្ជក់ថាៈ ករណីគ្រោះថ្នាក់ចរាចរណ៍ខាងលើនេះ មិនមានមនុស្សរងគ្រោះថ្នាក់អ្វីនោះទេ ។

សម្រាប់ព័ត៌មានលម្អិតក្រុមការងារ Post News នឹងផ្សាយជូនទៅពេលក្រោយបន្តទៀត ៕