ញ៉ូវ​យ៉​ក​៖ ផលិតករ​ភាពយន្ត​ជើងចាស់​ដ៏​ល្បី​ឈ្មោះ​លោក James Cameron បាន​រង​នូវ​ពាក្យបណ្ដឹង​ថ្មី​មួយទៀត​ពាក់ព័ន្ធ​នឹង​រឿង Avatar ដែល​នេះ​ជា​បណ្ដឹង​ទី​៥​ហើយ​សម្រាប់​សាច់រឿង​មួយ​នេះ ក្នុង​រយៈពេល ២​ឆ្នាំ​ចុងក្រោយ​។​

​ចៅក្រម​តុលាការ​សហរដ្ឋអាមេរិក​ប្រចាំ​ទីក្រុង​ញ៉ូវ​យ៉​ក លោក Jesse Furman បានឲ្យដឹងថា វិចិត្រ​ករ William Roger Dean បាន​ចោទ​ប្ដឹង​លោក James Cameron ពាក់ព័ន្ធ​នឹង​រូប​គំនូ Avatar ដោយ​លោក​បាន​បញ្ជាក់ថា​រូប​គំនូ Avatar ត្រូវមាន​នៅ​ក្នុង​ភព Pandora នោះ​គឺជា​រូបគំនូ​របស់​ខ្លួន​ដែល​បាន​គូរ​តាំងពី ២០០៨​។​

​វិចិត្រករ​រូបនេះ មិន​ត្រឹមតែ​ចោទ​ប្ដឹង​លោក James Cameron ប៉ុណ្ណោះ​ទេ ថែមទាំង​បាន​ប្ដឹង​ក្រុមហ៊ុន​ផលិត​ភាពយន្ត 20th Century Fox និង Lightstorm Entertainment ដោយ​ទាមទារ​សំណង​ជំងឺ​ចិត្ត ៥០​លាន​ដុល្លារ​អាមេរិក​។​

​គួរ​បញ្ជាក់​ផង​ដែរ​ថា លោក William Roger Dean ជា​វិចិត្រករ​ដ៏​ល្បីឈ្មោះ​មួយរូប ដោយ​គេ​ស្គាល់​គាត់​តាមរយៈ​ស្លាក​សញ្ញា ” Yes and Asia” ហើយ​លោក James Cameron វិញ​ត្រូវបាន​គេ​ស្គាល់​តាមរយៈ​រឿង Titanic និង​រឿង Avatar ព្រោះ​ទាំង​ពីរ​រឿងនេះ បាន​ធ្វើឲ្យ​គាត់​ល្បីឈ្មោះ នឹង​ទទួលបាន​ប្រាក់ចំណូល​យ៉ាងខ្ពស់​៕​