កោះកុង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៧ ខែវិចិ្ឆកា ឆ្នាំ២០២១ វេលាម៉ោង០៧និង០០នាទីព្រឹក នៅតាមផ្លូវចូលព្រៃចម្ការ មានប្រជាពលរដ្ឋបានប្រទះឃើញសាកសពមនុស្ស នៅចំណុចព្រែកក្រូច ភូមិចម្ការលើ ឃុំថ្មស ស្រុកបូទុមសាគរ ខេត្តកោះកុង ។
តាមរបាយការណ៍បានឲ្យដឹងថា ជនរងគ្រោះឈ្មោះ សុខ ផុន ភេទប្រុស អាយុ៥៩ឆ្នាំ ជនជាតិខ្មែរ មានទីលំនៅភូមិតាអុក ឃុំអណ្ដូងទឹក ស្រុកបូទុមសាគរ ខេត្តកោះកុង ។
តាមការអះអាងរបស់កូនប្រុសស្រី និងចៅឈ្មោះ តឹង សីហា បានប្រទះឃើញសាកសពមុនគេ បានបំភ្លឺថា ពេលកន្លងមកជនរងគ្រោះគាត់បានផឹកស្រាជាប្រចាំមិនហូបបាយ ជារឿយៗនិងដល់ទៅណាមកណាគ្មានដំណឹងទេ ។ គាត់គ្មានគំនុំជាមួយអ្នកណាក្នុងស្រុកភូមិទេ មានតែអ្នកភូមិជួយយកអាសារគាត់ ។
ក្រោយទទួលបានពត៌មានពីសាច់ញាតិ កម្លាំងជំនាញព្រហ្មទណ្ឌ និងកម្លាំងប៉ុស្តិ៍រដ្ឋបាល នៃអធិការដ្ឋានស្រុកបូទុមសាគរបាន សហការជាមួយ-អាជ្ញាធរភូមិ-ឃុំ បានចុះពិនិត្យសាសព ហើយលោកគ្រូពេទ្យបានបញ្ជាក់ថា ជនរងគ្រោះពិតជាដេកស្លាប់ដោយសារខ្យល់គពិតមែន ។
ក្រោយពីពិនិត្យរួច បានប្រគល់សាកសព ឲ្យក្រុមគ្រួសារយកទៅធ្វើបុណ្យតាមប្រពៃណី ៕
មតិយោបល់