ព័ត៌មានជាតិ

សមត្ថកិច្ចឃាត់ខ្លួនជនសង្ស័យម្នាក់ ក្នុងចំណោម ២នាក់ ករណីឆក់

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃ​សៅរ៍ ៨ រោច ខែកត្ដិក ឆ្នាំឆ្លូវ ត្រីស័ក ព.ស២៥៦៥ ត្រូវនិងថ្ងៃទី២៧ ខែវិឆ្ឆិកា ឆ្នាំ២០២១ ករណីលួចមានស្ថានទម្ងន់ទោស (ឆក់កាបូប)
ចំណុចលើផ្លូវជាតិលេខ៦ ភូមិព្រែកតាសោម ឃុំឬស្សីជ្រោយ ស្រុកមុខកំពូល ខេត្តកណ្ដាល ។

ជនរងគ្រោះឈ្មោះ ហ៊ល គឹមស្រស់ ភេទស្រី អាយុ ២៣ឆ្នាំជនជាតិខ្មែរ មុខរបរ កម្មការនីរោងចក្រ ស្នាក់នៅ ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។

ជនសង្ស័យ០២នាក់(ឃាត់ខ្លួន ០១នាក់) ៖
១.ឈ្មោះ ជុន ចិន ភេទប្រុស អាយុ ១៨ឆ្នាំជនជាតិខ្មែរ មុខរបរមិនពិតប្រាកដ មានទីលំនៅ ភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្ដាល (ឃាត់ខ្លួន)។
២.ឈ្មោះ គ្រី ទីណា (ហៅខ្នារ)(គេចខ្លួន) ។

វត្ថុតាងចាប់យក៖
១.ម៉ូតូម៉ាក ហុងដាពណ៌ខ្មៅ ស៊េរីឆ្នាំ ២០១៥ គ្មានស្លាកលេខ ចំនួន០១គ្រឿង (ជារបស់ជនសង្ស័យ)។
២.ប្រាក់ដុល្លារ ចំនួន១១០$(មួយរយដប់ ដុល្លារអាមេរិក) ។
៣.ប្រាក់រៀល ចំនួន១៣៥,៥០០រៀល(មួយសែនបីម៉ឺនប្រាំពាន់ប្រាំរយរៀល) ។
៤.កាបូបដៃពណ៌ត្នោត ចំនួន០១ ។
៥.ទូរសព្ទម៉ាក IPhone 7 ពណ៌ទឹកមាសចំនួន០១គ្រឿង។
៦.អត្តសញ្ញាណបណ្ណសញ្ជាតិខ្មែរ ចំនួន ០១ សន្លឹក។
៧.កាតចាក់វ៉ាក់សាំងកូវីត ១៩ ចំនួន ០១ សន្លឹក (ជារបស់ជនរងគ្រោះ)។

កន្លងមកជនសង្ស័យជាមុខសញ្ញាប្រើប្រាស់គ្រឿងញៀន និងជាមុខសញ្ញាធ្លាប់ធ្វើសកម្មភាពឆក់កាបូប និងលួចសកម្ម (ចំនួន០៨ លើក) ។
នៅថ្ងៃទី ២៧.១១.២០២១ វេលាម៉ោង ០៦:០០ នាទី ជនរងគ្រោះ បានធ្វើដំណើរចេញពីផ្ទះជួល ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ គោលបំណងទៅលេងផ្ទះ នៅភូមិត្រពាំជ្រនាង ឃុំជ្រលង ស្រុកតាំងគោក ខេត្តកំពង់ធំ មធ្យោបាយម៉ូតូ ០១ គ្រឿង ម៉ាកស៊ូមម័រ ស៊េរីឆ្នាំ ២០១៨ ដោយជិះតែម្នាក់ឯង ។
លុះជិះមកដល់កន្លែងកើតហេតុ វេលាម៉ោង ០៨:៣០ នាទី ជនសង្ស័យទាំង០២នាក់ខាងលើ បានជិះម៉ូតូហុងដារ C125 ស៊េរីឆ្នាំ ២០១៥ ពណ៌ខ្មៅ គ្មានស្លាកលេខ តាមជនរងគ្រោះ ដោយជនសង្ស័យ ឈ្មោះ គ្រី​​ ទីណា (ហៅខ្នារ) ជាអ្នកបើកម៉ូតូ ចំណែកជនសង្ស័យឈ្មោះ ជុន ចិន ជាអ្នកជិះពីក្រោយ និងជាអ្នកធ្វើសកម្មភាពឆក់កាបូបជនរងគ្រោះ ដោយក្នុងកាបូបនោះមានលុយ ទូរសព្ទអត្តសញ្ញាណបណ្ណសញ្ជាតិខ្មែរ នឹងកាត់ចាក់វ៉ាក់សាំង ដូចបានរៀបរាប់ខាងលើ បានសម្រេច បន្ទាប់មកជនសង្ស័យទាំងពីរនាក់បានបើកម៉ូតូរត់គេចខ្លួនយ៉ាងលឿន ទៅទិសខាងជើង ភ្លាមនោះជនរងគ្រោះបានស្រែកលឺៗថា ចោរៗ ហើយក៏បើកម៉ូតូដេញតាមជនសង្ស័យពីក្រោយ ជាមួយអ្នកដំណើរម្នាក់ទៀត រហូតដល់ចំណុច ផ្លូវឆ្លងកាត់ភូមិព្រែកយាយហ៊ិនទី១ ឃុំឬស្សីជ្រោយ ស្រុកមុខកំពូល ខេត្តកណ្ដាល ។ ជនសង្ស័យបានបត់ម៉ូតូបំណងត្រឡប់ទៅក្រោយវិញ ស្រាប់តែម៉ូតូជនសង្ស័យ បានដួល ក្នុងពេលនោះជនសង្ស័យទាំងពីរនាក់ ក៏ទុកម៉ូតូចោលហើយរត់គេចខ្លួន ចូលក្នុងព្រៃបាត់។រហូតដល់វេលាម៉ោង ០៨:៤០នាទី សមត្ថកិច្ចប៉ុស្តិ៍នគរបាលរដ្ឋបាលឬស្សីជ្រោយក៏ទទួលបានព័ត៌មានខាងលើ បន្ទាប់មកកម្លាំងប៉ុស្តិ៍សហការជាមួយកម្លាំងស្រុក និងកម្លាំងប្រជាការពារ បានចុះទៅដល់កន្លែងកើតហេតុដើម្បីធ្វើការស្រាវជ្រាវស្វែងរកជនសង្ស័យ រហូតដល់ម៉ោង ១២និង១០ នាទី ថ្ងៃដដែល ទើបសមត្ថកិច្ចឃាត់ខ្លួនបានជនសង្ស័យចំនួន០១នាក់ ឈ្មោះ ជន ចិន និងវត្ថុតាង នាំយកមកអធិការដ្ឋាននគរបាលស្រុក ដើម្បីធ្វើការសាកសួរ។ នៅចំពោះមុខសម្ថកិច្ចជនសង្ស័យឈ្មោះ ជន ចិន បានឆ្លើយសារភាពថា កន្លងមកខ្លួន និងបក្ខពួកឈ្មោះ គ្រី ទីណា ហៅខ្នារ ឈ្មោះ សារ៉ុន សារុនហៅខ្លុន ឈ្មោះ លី​​ ឡាង និងឈ្មោះ គឿន ដែន មានទីលំនៅភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្ដាល ធ្លាប់ធ្វើសកម្មភាព ឆក់កាបូប និងលួចម៉ូតូ ចំនួន ០៨ លើក ។ រហូតដល់ថ្ងៃទី ២៧.១១.២០២១ វេលាម៉ោង ០៨:៣០ នាទី ខ្លួននិងឈ្មោះ គ្រី ទីណា ហៅខ្នារ បានធ្វើសកម្មភាព ឆក់កាបូប ពីជនរងគ្រោះឈ្មោះ ហ៊ន គឹមស្រស់ ចំណុចកើតហេតុខាងលើ ពិតប្រាកដមែន ។
ចំពោះជនសង្ស័យខាងលើ ត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកមុខកំពូល ។

ករណីនេះជំនាញ និងប៉ុស្ដិ៍ កំពុងកសាងសំណុំរឿងដើម្បីបន្តចាត់ការតាមនីតិវិធី ៕

មតិយោបល់