ភ្នំពេញៈ ជនសង្ស័យចំនួន១៣នាក់ ពាក់ព័ន្ធករណីជួញដូរ និងប្រើប្រាស់ដោយខុសច្បាប់ នូវសារធាតុញៀន ត្រូវកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌបឹងកេងកង បើកប្រតិបត្តិការបង្ក្រាបឃាត់ខ្លួន។

នៅថ្ងៃទី០៨ ខែធ្នូ ឆ្នាំ២០២១ វេលាម៉ោង ៣និង០០នាទី ទៀបភ្លឺ កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌបឹងកេងកង សហកាជាមួយកម្លាំងប៉ុស្តិ៍នគរបាលរដ្ឋបាល ទួលស្វាយព្រៃទី០១ បើកប្រតិបត្តិការ ចុះបង្ក្រាបទីតាំងជួញដូរ និងប្រើប្រាស់ដោយខុសច្បាប់ នូវសារធាតុញៀន នៅចំណុចទីតាំងដីឡគ្មានលេខ ផ្លូវ១៩៩ កែង៣៥៨ សង្កាត់ទួលស្វាយព្រៃទី០១ ខណ្ឌបឹងកេងកង រាជធានីភ្នពេញ ដោយបានឃាត់ខ្លួនជនសង្ស័យចំនួន ១៣នាក់។

ជនសង្ស័យឃាត់ខ្លួនចំនួន ១៣នាក់៖
១- ឈ្មោះ អ៉ឹម សុភក្រ្ត័ ភេទប្រុស អាយុ២២ឆ្នាំ (ជួញដូរ)។
២- ឈ្មោះ ណៃ ដាវីត ភេទប្រុស អាយុ៣១ឆ្នាំ (ជួញដូរ)។
៣- ឈ្មោះ ជួន ញ៉ាន ភេទប្រុស អាយុ៣៦ឆ្នាំ (ជួញដូរ)។
៤- ឈ្មោះ ឆន់ ឡាន់ ភេប្រុស អាយុ១៨ឆ្នាំ (ជួញដូរ)។
៥- ឈ្មោះ ជូ សំអន ភេទប្រុស អាយុ៤២ឆ្នាំ។
៦- ឈ្នោះ សុខ តុង ភេទប្រុស អាយុ២៩ឆ្នាំ។
៧- ឈ្មោះ ជាង រតនា ភេទប្រុស អាយុ៣០ឆ្នាំ។
៨- ឈ្មោះ ឈួន សម្បត្តិ ភេទប្រុស អាយុ៣៦ឆ្នាំ។
៩- ឈ្មោះ មាស មិន ភេទប្រុស អាយុ១៨ឆ្នាំ។
១០- ឈ្មោះ អ៊ុក ធារ៉ា ភេទប្រុស អាយុ២៩ឆ្នាំ។
១១- ឈ្មោះ វី រនីខារ៉ាន់ ភេទប្រុស អាយុ៣១ឆ្នាំ។
១២- ឈ្មោះ ផល តឿ ភេទប្រុស អាយុ២៨ឆ្នាំ។
១៣- ឈ្មោះ ប៊ូ មុល ភេទប្រុស អាយុ២៨ឆ្នាំ។

វត្ថុតាងចាប់យករួមមាន៖ ក្រាមពណ៌សថ្លា ចំនួន១០កញ្ចប់តូច សង្ស័យជាសារធាតុញៀន, ឧបករណ៍ប្រើប្រាស់គ្រឿងញៀនមួយចំនួន, ម៉ូតូម៉ាក គុបស៊េរីចាស់ ចំនួន០១គ្រឿង ពណ៌ទឹកប្រាក់ គ្មានស្លាកលេខ។

បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាល ខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕