បន្ទាយមានជ័យៈ ស្រ្តីម្នាក់បានលង់ទឹកអូរស្លាប់ ខណៈរូបគាត់ស្រវឹងស្រា ហេតុការណ៍នេះបានកើតឡើងកាលពីម៉ោង១១ថ្ងៃទី១៩ ខែសីហា ឆ្នាំ២០១៦ នៅចំណុចទឹកអូរ ស្ថិតនៅភូមិចំការតាដោក ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។

លោកវរសេនីយ៍ត្រី រស់ សំបូរ មេបញ្ជាការមូលដ្ឋានកងរាជអាវុធហត្ថស្រុកមង្គលបូរី បានឲ្យដឹងថា ជនរងគ្រោះឈ្មោះ លឹម ចាយ ភេទស្រីអាយុ55ឆ្នាំ រស់នៅភូមិចំការតាដោក ឃុំឫស្សីក្រោក ស្រុកមង្គលបូរី បានលង់ទឹកស្លាប់ ខណៈពេលចុះទៅងូតទឹកអូរ ក្បែផ្ទះ ហើយក៏បាត់រហូតដល់ម៉ោង៣រសៀល ទើបរកសពឃើញ។

លោកវរសេនីយ៍ត្រី រស់ សំបូរ បានឲ្យដឹងទៀតថា តាមសាក្សីបានឲ្យយដឹងថា ជនរងគ្រោះតែងតែផឹកស្រាស្រវឹងជាប្រចាំ។ សពត្រូវបានក្រុមគ្រួសារធ្វើបុណ្យតាមប្រពៃណី៕